Login to your account

Username *
Password *
Remember Me

PPN Aniceto Promete Sei Tatoli AUTL Nia Ezijensia Ba Governu

Portavóz Aliansa Universitáriu Timor Leste (AUTL) Paulo dos Santos Soares Ko'alia ba Média sira hafoin hasoru malu ho Prezidente Parlamentu Nasionál (PPN) Aniceto Longuinhos Guterres Lopes no Komisaun G no F. Sesta (21/08) Portavóz Aliansa Universitáriu Timor Leste (AUTL) Paulo dos Santos Soares Ko'alia ba Média sira hafoin hasoru malu ho Prezidente Parlamentu Nasionál (PPN) Aniceto Longuinhos Guterres Lopes no Komisaun G no F. Sesta (21/08) Foto Tempo Timor

Tempotimor (Dili)-Prezidente Parlamentu Nasional (PPN), Aniceto Longuinhos Guterres Lopes promete ona ba Aliansa Univesitáriu Timor-Leste (AUTL) sei hatutan AUTL ninia ezijensia ba oitavu governu konstituisional ne’ebé lidera husi Primeiru Ministru (PM) taur Matan Ruak.

Tuir portavóz AUTL, Paul dos Santo Soares katak, hasoru malu ho PPN no komisaun relevante hodi hato’o preokupasaun estudante sira-nia ba PN hodi hatutan ba governu.

"Ami mai aprezenta ba Parlamentu Nasional (PN) bazeia ba pedidu audiénsia ne'ebé submete ba Prezidente Parlamentu Nasionál (PPN) nu'udár reprezenta ibun, tilun no matan ba povu timor laran tomak. Entaun, ami mai rona no fó opiniun atu bele fó hanoin ba governu par bele responde ba ezijensia AUTL nian,” dehan portavoz AUTL ne'e hafoin audensia ho PPN iha PN, Sesta (21/8).

Nia mós dehan, PPN laiha komreténsia hodi hatán kedas, maibé promete hodi hatutan ba governu para tetu hodi foti alternative ne’ebé di’ak.

"PPN la promete atu responde imediatu ezijensia AUTL nian, maibé sira simu no promete sei aprezenta ezijensia AUTL nian ba iha governu,” Nia dehan.

Portavóz ne’e mos dehan, AUTL nafatin konsisténsia iha ezijensia hodi husu ba oitavu governu par bele halo revogasaun ba dekretu lei númeru 21/2020 loron 05 fulan Juñu ne'ebé fó subsidiu ba estudante rai liur.

"Kria fali dekretu lei foun ida atu responde ba ami propinas semester pares tuir akadémiku 2020 ninian ka bele Ministériu Ensinu Superiór Siénsia no Kultura (MESSK) diploma ministeriál ida atu responde ba ami-nia propinas semester par,” tenik Nia.

Entretantu partisipa iha audiénsia entre reprezentante AUTL no PPN ne'e mak komisaun espesializada hanesan Komisaun G ne'ebé trata asuntu Edukasaun, Juventude, Kultura no Sidadania inklui komisaun F ne'ebé trata asuntu Saúde seguransa sosiál no igualidade jéneru.

PUBLISIDADE HUSI MOP FO PARABENS BA LORON FALINTIL

Rate this item
(1 Vote)
Last modified on Monday, 24 August 2020 07:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter