Print this page

SEAK Simu Ona Karta Husi PN, Mobiliza Lia-Na'in Hatuur Meza PN

By August 04, 2020 1497
Sekreráriu Estádu Arte no Kultura (SEAK),Teofilo Caldas Sekreráriu Estádu Arte no Kultura (SEAK),Teofilo Caldas Foto Ofisial

Tempotimor (Dili) - Sekreráriu Estádu Arte no Kultura (SEAK),Teofilo Caldas simu ona karta husi Sekretáriu Jerál Parlamentu Nasionál atu mobiliza lia-na'in husi munisípiu 12 no Rejiaun Autonómia Espesiál Oekusi Ambenu (RAEOA) atu halo rituál hodi hatuur fali meza Prezidente PN ne'ebé deputadu sira halo rahun.


"Ami simu ona husi sekretáriu jerál parlamentu nasional, teknikamente ami-nia diresaun sira ba enkontru, agora protokolarmente ne'e parlamentu maka organiza. Mas agora ko'alia kona-ba mobilizasaun lia-na'in sira atu mai realiza serimónia rituál ne'e, ami sekretáriu arte no kultura hamutuk ho estatál maka organiza", hateten nia, ba jornalísta sira, iha Ministériu Finansas Aitarak Laran, Segunda (03/08).

Nia dehan, antes ne'e sira deside ona loron 3 Agoatu, maibé Prezidente PN deside atu muda fali tanba preparasaun, liuliu teknikamente meza ne'e seidauk prontu, nune'e sei hein desizaun husi Prezidente PN mak anúnsia.

"Data ha'u seidauk hatene mas kulturalmente ita hakarak realiza serimónia rituál ida para buat hanesan ne'e labele akontese tan iha futuru", dehan nia.

Nia dehan, nasaun ne'e presiza hakmatek iha dame, pás, atu bele hanoin atu halo dezenvolvimentu ba nasaun, liuliu órgaun soberanu sira tenke halo situasaun hakmatek hodi halo servisu. (*)  

Rate this item
(0 votes)
Last modified on Tuesday, 04 August 2020 08:16
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items