Login to your account

Username *
Password *
Remember Me

MEJD Ofisialmente Reativa Prosesu Aprendizajen

Vise Ministru Edukasaun Juventude no Desportu Antonio Guterres hamutuk ho Embaixador Australia no Parseiru sira seluk hafoin reativa EBC Esperanca da Patria Becora Vise Ministru Edukasaun Juventude no Desportu Antonio Guterres hamutuk ho Embaixador Australia no Parseiru sira seluk hafoin reativa EBC Esperanca da Patria Becora Foto Tempo Timor

Tempotimor (Dili) - Governu liuhosi Ministériu Edukasaun Juventude no Desportu (MEJD) ofiasialmente halo ona abertura ba eskola sira hotu iha terrotóriu Timor-Leste, atu hahú ona prosesu aprendizajen iha eskola ida-idak.

 Serimónia ne'e hala'o iha eskola Ensinu Báziku Sentrál no Fillial Esperança da Pátria, ho tema "Rekupera Aprendizajen ho Seguru, Kontinua Aprende Iha Eskola ho Seguru no Saudável".

Vise-Ministru MEJD, António Guterres hateten, MEJD hahú lansa ba públiku no liuliu ba eskola sira hotu iha territóriu Timor-Leste atu bele hahú rekupera ona sira nia prosesu aprendizajen ida ne'ebé tenke ho seguru.

 "Prosesu ensinu aprendizajen hahú fila-fali ona, rekupera fila-fali, ida ne'e tenke seguru. Tenke kumpre nafatin regra hotu-hotu ne'ebé ita-nia governu liuhosi MEJD hamutu ho Ministériu Saúde tau ona regra," hateten nia, bainhira restaura prosesu aprendizajen, iha EBC Esperança da Pátria, Bekora, Segunda (27/07).

 Nia dehan, eskola hotu-hotu hetan ona mata-dalan ba prevensaun Covid19 nian, tanba ne'e husu atu kumpre nafatin rekijitu hirak ne'e hodi hein to'o evolusaun Covid-19 remata. Kuandu nasaun seluk mak remata ona, automatikamente Timor remata ona.

 "Kuandu seidauk, ita mós kontinua atu prepara ita-nia aan para oinsá kuidadu ita-nia saúde, no governu mós tenke halo antesipasaun nafatin, halo komunikasaun ba malu nafatin ho ita-nia parseiru sira para depois bele apoiu ba ita", dehan nia.

 Nia hateten, ho lansamentu ba programa ne'e, governu liuhosi MEJD sei sevisu hamutuk nafatin ho parseiru sira atu kontinua nafatin inspira manorin na'in sira bele iha vontade hodi hanorin esirastudante atu labele ta'uk ho moras surtu Covid-19.

 "Ita-boot sira mak sai hanesan lalenok ida ne'ebé prinsipal ba ita-nia oan sira, tanba mestre mak sai hanesan mata-dalan ne'ebé sai xave atu dezenvolve estudante sira-nia esperiénsia, koñesimentu kona-ba edukasaun ninian", tenik nia.

 Iha fatin hanesan, Diretór eskola, Joăo da Silva Pereira hateten, EBC no Fillial Esperança da Pátria sempre prontu no preparadu ona hodi hahú realiza prosesu ensinu aprendizajen.

 "Ba ami sempre pontu, tanba la'os deit ohin ami hetan apoiu husi governu mak ami hahú, maibé antes ne'e ami hala'o tiha uluk ona prosesu aprendizajen", dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter