Print this page

Madre Guelhermina husu Joven Namora Hanesan Ema

Madre Guelhermina Marcal iha Kampuz UNTL Liceu Madre Guelhermina Marcal iha Kampuz UNTL Liceu foto File

Tempotimor (Dili)- Madre Guelhermina Marcal lamenta tebes ho aktu soe bebé ne’ebé akontese iha Paihoto, Munisipiu Lautem, tanba konsidera joven sira konsidera bainhira namora tenke halo relasaun seksual.

Madre ne’e dehan, ohin loron joven sira hanoin relasaun seksual nu’udar buat di'ak ida, maibé la hanoin ninia konsekuensia.

"Labarik feto ho mane ne'e emosionál liu, nia hanoin katak médida halo relasaun seksual mak rezolve problema, maibé nia rasik la hatene impaktu husi relasaun seksual ne'e saida, nia la hatene, mosu tiha hanesan ne'e mak nia foin hakfodak," dehan Madre Guelhermina ba jornalista sira iha nia rezidensia Balide, Sesta (24/07).

Bainhira feto kous ona bebé, Madre ne’e dehan, joven sira hanoin dalan di’ak liu mak halakon ka oho bebé ne’e.

"La'ós bandu namora, bele namora, maibé namora ida hanesan ema, tanba ema feto ne'e iha konxiénsia, iha abilidade atu lee buat hotu-hotu, labele hanoin ohin ha'u hadomi o, depois liu ida ne'e sai sumasu ida de'it ona, ne'e labele, ne'ebé labarik feto sira mós tenke rai aan iha fatin," nia fó hanoin.

Tuir nia, feto nu'udar feto Maromak, tenke respeita nia aan, tane aas ninia ezistensia hanesan feto iha fatin hotu-hotu.

“Labele husik aan, instrumentaliza par hodi dezvaloriza ezisténsia hanesan kriatura Maromak nian, hanesan feto,” nia husu.

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items