Dom Virgilio: Igreja Bandu Politikus Uza Ritual Uma Kreda

Arcebispu Metroplitan Dili, Dom Virgilio do Carmo da Silva Arcebispu Metroplitan Dili, Dom Virgilio do Carmo da Silva Foto Arkivu

Tempotimor(Dili)-Arcebispu Dom Virgilio do Carmo da Silva hatete, igreja bandu Partidu politiku sira atu uza ritual uma kreda nian hodi destroi fali sarani sira-nia fiar.

"Bainhira koalia kona-ba asun politik nian ha'u lakohi ko'alia tama politik ninia, maibé kuandu sarani ruma uza kahur ritual uma kreda nian hodi destroi no  dezorienta sarani sira husi dalan sarani nian, ne'e uma kreda iha nia lia-fuan atu dehan katak ne'e sarani la lao iha dalan ne'ebé loos," informa Arcebispu ba jornalista sira iha rezidensia Episcopal Lecidere Dili, Kuarta (01/07).

"Bainhira iha eventu ritual ruma tuir ita-nia hakarak atu atrai ema, atu hadok ema husi Maromak nu'udar Bispu ba uma kreda tenke dehan katak ida ne'e la loos, no tenke buka atu iha dalan loos," dehan Bispu.

Arcebispo ne'e apela ba sarani sira hotu atu labele sai sarani ida ne'ebé aikakeu, naran hakarak koko buat hotu. Nu'udar sarani tenke tau identidade ne'ebé loos, buat ne'ebé loos tenke dehan loos atu rona ka la rona, ikus mai maromak mak tenke halo justisa.

Molok ne'e, Deputadu bankada Kmanek Haburas Unidade Nasional Timor Oan (KHUNTO) Luis Roberto deklara, dezkonkorda ho deklarasaun Amu Martino Gusmão no Domingos Maubere ne'ebé kestiona atividade juramentu ne'ebe Konseleiru KHUNTO Naimori Bukar hala'o ba sira-nia militante.

Nia dehan, politika partidu nian hala'o tuir dinamika politika ne'ebé la'o hela iha  Timor-Leste, tan ne'e parte igreja kuandu la hatebe tenke buka atu hatene, se la komprende buka atu husu ba politiku nain sira.

Rate this item
(7 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.