“Estudantes bolseiru ita haree katak la to’o mill sai trezentus ital de’it, maibé hamutuk ho estudante sira ne’ebé konta propria besik to’o rihun ida,” dehan nia, iha Palásiu Prezidensiál Bairru-Pite,Tersa (5/3).
Nia dehan, sira ne’e iha area barak iha eskola professional rua, Tondela ho Mirandela ne’ebé estudante sira ne’ebé minoridade hotu pre-sekundaria ba kontinua estudus iha ne’eba.
Nia hatutan estudante sira ne’e namkari iha universidade lubuk bo’ot ida Universidade Lisboa ninia, iha Nova Lisboa, iha Univeridade Lisboa, iha Lusiadas no mós iha tan universidade sira seluk maka Lusofona maka sira namkari iha ne’eba.
“Dalabarak maka ami fó konsellu sira atu ba iha universidade sira ne’ebé sidade sira ne’ebé iha foho hanesan Aveiro, Porto ne’ebé iha ita nia ativista malae oan sira iha ne’eba fó apoiu tebe-tebes ba estudante sira no sira bele hotu sira nia estudus. Iha Braga mós ita nia estudante lubuk bo’ot ida iha ne’eba,” tenik nia.
Nia akresenta estudante sira embaixadora fó apoiu másimu, alende ne'e iha adidu edukasaun mos fó apoiu ba estudante sira tanba dala barak estudante sira iha traza ba bolsa maibé embaixada sempre fó apoiu ba sira.
Nia hateten, apoiu sira maka apoiu moral, apoiu material. Bainhira sira moras embaixadora ba haree no buka atu kondus sira didi’ak atu sira hotu sira nia estudu sira bele fila mai Timor.