Ne'e duni, institusaun rua ne'e entrega desizaun tomak ba Konsellu Ministru atu bele deside ema na'in hira maka atu asesu ba UNTL husi rejime espesial kanal B.

"Lori hela prosesu ida ne’e ba iha Konsellu Ministru para bele foti ninia finalidade iha ne’ebá”, dehan Ministru Edukasaun Ensinu Superiór Siénsia no Kultura, Longuinhos dos Santos, Sesta (1/3).

Nia hatutan, bainhira Konsellu Ministru finalize ona polémika estudante tama UNTL ne’e sei bolu parte UNTL no MEESSK para partisipa.

Entretantu, Reitór UNTL, Francisco Miguel Martins hateten, UNTL aprezenta ona realidade ba parte governu, tanba nu’udar instituisaun Governu nian, ne’ebé hakru’uk ba desizaun. Ne’ebé bainhira mak desizaun ne’e finaliza UNTL prontu ezekuta de’it.