Login to your account

Username *
Password *
Remember Me

Bispu Na'in Tolu Deside Loke Fali Odamatan Igreija Ba Sarani Sira

Arsebispu Dom Vergilio do Carmo da Silva, Bispo Maliana Dom Norberto Amaral no Bispo Baukau Dom Basilio Nascimento foto hamutuk ho Prezidente da Republika, Dr. Francisco Guterres Lu olo iha Palasiu Prezidensial momentu ruma liu ba Arsebispu Dom Vergilio do Carmo da Silva, Bispo Maliana Dom Norberto Amaral no Bispo Baukau Dom Basilio Nascimento foto hamutuk ho Prezidente da Republika, Dr. Francisco Guterres Lu olo iha Palasiu Prezidensial momentu ruma liu ba Foto Arkivu Midia PR

Temopotimor (Dili) - Hafoin besik fulan rua Igreija Katolika Timor Leste taka odamatan ba misa hamutuk ho sarani barak, ohin Konferensia Episkopal Timorense, liu husi Bispu nain tolu, Arsebispu Episkopal Dom Vergilio do Carmo da Silva, Bispo Maliana Dom Norberto Amaral no Bispo Baukau Dom Basilio Nascimento deklara liu husi komunikadu impresa atu fo autorizasaun ba sarani tomak iha Timor-Leste hahu loron 28 Fulan Maiu bele selebra fali misa.

Moras Corona (COVID- 19) Pandemia ne'ebe hada'et ona ba mundo, kuaze nasaun hotu-hotu hetan ona virus ne'e. No ita hotu hatene katak moras ne'e hada'et fasil liu bainhira ema barak halibur hamutuk.

"Hare ba realidade ikus nian iha ita nia nasaun, no hare mos ba anseiu ita nia komunidade saran sira nian rasik no tuir informasaun housi Sentru Integradu Jestaun Krizi (SIJK) katak situasaun pandemia estavel iha Tmor-Leste ho nune'e Konferênsia Episcopal Timorense (CET) deside atu loke fali selebrasaun komunitária no fo orientasaun no desizaun sira kona-ba oinsa atu halo celebrasaun eukaristica", haktuir komunikadu impresa ne'ebe Temopotimor.com asesu iha tersa (19/5).

VIDEO PUBLISIDADE APELU HUSI PM TAUR APLAUS BA FRONT LINE

 

 

"Kreda Timor aconsella ba Amo Pároco/Padre sira hotu atu bele hahu celebrasaun missa ho sarani sira iha dia 28 Fulan maiu ho rekomendasoins hirak ne'ebe hanesan, Loke ba celebrasaun eukaristika de'it, Missa dominikal no solenidade, kuantu possivel, halo campal, Missa kuotidiana iha igreja laran, maibe ho orientasaun sira ne'ebe fo sai tiha ona, husu ba sarani sira atu uza maskara durante celebrasaun, husu ba amo paroku ho nia responsavel sira atu prepara we no sabaun atu sarani sira fase liman no garante distanciamento entre participante sira no igreja fo konsellu ba sira ne'ebe mak moras, isin fraku, atu lalika mai missa maibe reza de'it iha uma", deklara iha Karta

Iha komunikadu ne'e, konvida ita atu halo tuir nafatin rekomendasaun sira husi Organizasaun Saúde Mundial (OMS) hopessoal tekniko saude ita nian, tanba moras ne'e seidauk liu.

"Iha tempo susar hanesan ne'e, ita halo buat ne'ebe ita bele no buat ne'ebe ita labele, ita husik iha Maromak nia liman no husu bu sdadaun ida-idak atu hola responsabilidade ba povo hotu-hotu nia diak kona-ba saude publika", esklares iha komunikadu

Iha komunikadu ne'e asina husi, Dom Basilio Nascimento Bispo de Baucau e Secretario Gieral da CET. Dom Virgilio do Carmo da Silva/SDB, Arsebispo de Dili Pre-Prezidene da CET no Dom Norberto do Amaral Bispo de Maliana i Prezdente da CET.

Rate this item
(5 votes)
Last modified on Thursday, 21 May 2020 11:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter