Print this page

MESSK sei Fó Subsidiu ba Estudante Timor-oan iha Rai Li'ur

Ministériu Ensinu Superiór Siénsia no Kultura (MESSK), Longuinhos dos Santos ko'alia ba Jornalista sira iha momentu ruma kotuk Ministériu Ensinu Superiór Siénsia no Kultura (MESSK), Longuinhos dos Santos ko'alia ba Jornalista sira iha momentu ruma kotuk Foto File

Tempotimor (Dili)-Ministériu Ensinu Superiór Siénsia no Kultura (MESSK) prepara hela proposta subsidiu ba estudante Timor-oan sira ne'ebé hala'o estudu iha rai li'ur.

Ministru Longuinhos dos Santos informa, estudante hirak ne'ebé sei hetan subsidiu nu'udar estudante ne'ebé ba estuda ho apoiu husi inan-aman rasik.

"Prepara hela proposta ida par apoiu subsidiu ba estudante sira iha rai li'ur ne'ebé la'ós bolseiru, naun-bolseiru. Entaun ida ne'e sei serbisu hamutuk ho MNEK tanba tuir lei MNEK mak iha kompeténsia, tanba ne'e husi MESSK no MNEK sei servisu hamutuk," dehan Ministru Longuinhos iha Palásiu Governu, Tersa (07/04/2020).

Tuir dadus, nia dehan, estudante Timor-oan naun-bolseiru iha rai li'ur hamutuk na'in 3.450. Husi númeru ne'e, na'in 650 mak fila ona mai Timor-Leste.

"Estudante sira husi Indonézia fila ona mai Timor ne'e hamutuk 650, husi Filipina na'in 52. Entretantu sira seluk ne'ebé iha Brazil, Portugal, Tailandia, sira nafatin iha ne'ebá," dehan nia.

Nia dehan, apoiu ne'e sei hanesan proposta hela no sei sei aprezenta ba Konsellu Ministru (KM) hodi tetu hamutuk bazeia ba orsamentu ne'ebé Parlamentu Nasionál (PN) aprova ona.

Kona-ba total subsidiu, Ministru ne'e dehan, seidauk bele anunsia tanba sei aprezenta ba Konsellu Ministru.

Rate this item
(7 votes)
Last modified on Tuesday, 07 April 2020 15:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items