"Direitu ba profesór sira ninian kona-ba subsídiu transporte subsídiu ba kolokasaun ne'ebé muda husi munisípiu ida ba munisípiu seluk buat sira ne'e hotu", dehan Ministru Edukasaun Juventude no Desportu (MEJD), Armindo Maia iha palásiu governu, kinta (09/03).
Nune'e iha reuniaun konsellu minístru (08/03) ne'ebé aprova dekretu lei ida kona-ba estatutu kareira dosente hodi hametin liu sira-nia profisaun, bazeia ba dekretu lei ne'ebé mai dezde tinan 2010.
Profesór voluntáriu liu rihun lima (5.000) ne'ebé muda ba kontratadu iha tempu badak presidente repúblika, José Ramos Horta sei promulga.
Lista reklamante profesór voluntáriu dadaun Ministériu Edukasaun Juventude no Desportu (MEJD) halo rekompilasaun.
"Ha'u espera iha tempu badak ita halo sira-nia reklamasaun, ita kompila hotu tiha, verifika fali hodi haree sira-nia loos ka lae e depois ba passu tuir mai", hateten nia
Alende ne'e profesór voluntáriu sira-nia reklamasaun loos sei hatama ba iha vaga no sira seluk ne'ebé seidauk bele hakat ba segunda etapa. (*)