Print this page

Governu sei Hapara Profesór Voluntáriu Ne’ebé la Hetan Koñesimentu Husi MEJD

Reuniaun Konsellu Ministru. Reuniaun Konsellu Ministru. Foto Suplay

Tempotimor (Dili)-Governu liu husi Ministériu Edukasaun Juventude no Desportu (MEJD) sei hapara profesór kontratadu sira ne’ebé hanorin iha kada eskola, maibé la hetan koñesimentu husi MEJD.

"Governu hakarak hato'o ba eskola sira hotu iha rai laran atu hapara rekrumentu iha kada eskola sira halo voluntáriu ba eskola sira atu labele inventa rekrumentu sira, tanba  rekrumentu ba voluntáriu sira ne'ebé mak halo sem iha koñesimentu Ministériu rasik ne'e la iha responsabilidade legál", dehan Minístru Prezidensia Konsellu Minístru (MPKM), Fidelis Leite Magalhaes hafoin reuniaun konsellu minístru iha palasiu governu, kuarta (08/03).

Nune’e husu ba entidade husi eskola sira atu labele fó espetativa ne'ebé la iha rezultadu di'ak ba profesór voluntáriu sira atu gasta sira nia tempu hafoin remata eskola iha banku universidade.

"Eskola sira labele halo ida ne'e, Governu koko atu rezolve problema hirak ne'e, husu atu hapara kedan imediatu ba rekrutadu sira ne'ebé la'ós iha orientasaun ka koordenasaun husi Ministériu Edukasaun", dehan nia

Tanba ne'e liuhusi meius konferensia imprensa atu aviza ba públiku katak, bainhira entidade sira rekruta profesór voluntáriu konsidera falta responsabilidade.

"Importante atu aviza ba iha públiku atu ita boot sira tranzmite ba públiku, tanba falta de responsabilidade, entidade balun iha eskola balun halo rekrutamentu e depois fó espetativa ba profesór sira nia hanoin katak, sira aban bairua sai rekrutadu no transfere ona aban bairua sai permanente ida ne'e sei labele kontinua", hatutan nia

Tanba inísiu tinan 2023, Governu konsege rezolve problema professor voluntáriu sira ne'ebé halo rekrumentu ba profesór kontratadu.

"Tanba buat ne'ebé governu halo desizaun rezolve ona problema boot ida relasaun ho profesór sira nia, maibé ita hatene dalan sei naruk mais importante mak atu reafirma katak, hirak ne'ebé oras ne'e rekrutadu balun mai husi komponente rekrutadu ba kontratadu no balun husi komponente kontratadu ba permanente", nia afirma

Dadaun Governu liuhusi MEJD atu regulariza uluk profesór kontratadu sira molok regulariza tán profesór voluntáriu.

Eziste profesór voluntáriu iha kada eskola ne'ebé la iha koñesimentu husi MEJD ne'e mosu ihagovernu anteriór ne'ebé la iha responsabilidade ba profesór voluntáriu sira. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items