Login to your account

Username *
Password *
Remember Me

Governu Hato’o Solidaridade ba Povu Nova Zelándia Hasoru Dezastre

Dezastre Siklone Gabrielle ne'ebé Nova Zelándia hasoru. Dezastre Siklone Gabrielle ne'ebé Nova Zelándia hasoru. Foto Suplay

Tempotimor (Dili)-Governu liuhusi Primeiru Ministru, Taur Matan Ruak hato'o solidariadade ba Governu Nova Zelándia ne'ebé hasoru dezastre Siklone Gabrielle.

"Lori povu Timor-Leste nia naran, Governu hato’o ninia solidariedade ne’ebé kle’an ba povu no Governu Nova Zelándia nian ne’ebé sofre, kauza husi pasajen Siklone Gabrielle. Siklone Gabrielle rezulta pelumenus ema na’in haat mate, inklui labarik ida, ema 10.500 liu tenke sai husi uma, ema 225.000 liu tenke hela iha nakukun laran, laiha eletrisidade ka telekomunikasaun no populasaun barak mak izolada", tuir komunikadu ne’ebé www.tempotimor.com asesu iha pájina Primeiru Minístru, sesta (17/02).

Horikalan, akontese rai-nakdoko ho magnitude 6,0 iha Illa Norte parte kosta nian, besik kapitál Wellington no halo país tomak sente rai-nakdoko ne’e, no to’o ohin loron seidauk iha relatóriu kona-ba estragus ka vítima sira husi rai-nakdoko ne’e.

Alende ne'e, portavós Governu Konstitusionál VIII nian, Ministru Fidélis Manuel Leite Magalhães, afirma katak lori sentimentu ba família sira ne'ebé lakon sira nia ema inklui mós ba sira ne'ebé buka hela nia família sira ne'ebé moris.

“Ami-nia sentimentu ba família hirak ne’ebé lakon sira-nia ema ne’ebé sira hadomi no ami hakru’uk ba sira ne’ebé nafatin determinadu hodi buka vítima sira ne’ebé sei moris no hodi apoia populasaun sira ne’ebé afeta hosi katástrofe ida-ne’e", nia hateten.

Dadaun Nova Zelándia iha hela estadu emerjénsia nasionál, dezde tersa-feira, loron 14 fulan-fevereiru, tanba violentu siklone ne’ebé akontese iha país ne’e, ho rajada anin no udan ne’ebé forte hodi hamosu inundasaun no rai-monu no estragus boot ba hela-fatin, estrada no infraestrutura sira seluk.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter