Nune’e, Deputadu husi Bankada FRETILIN, Fabião de Oliveira preokupa tebes ho situasaun ne’e, tanba mestre sira la konsidera estudante sira nia esforsu.
"Kona-ba estudante na'in rua hetan valór di'ak husi eskola paralelu iha postu administrativu Oesilu, maibé Diretor Eskola Sekundária Jerál Naimeko la tau sira nia naran hanesan aluna ne'ebé ke hetan valór di'ak, tanba aluna ho naran Agusta Neno ho Alfiana de Fátim Caet sira hetan valór 117, maibé sira tau fali estudante ne'ebé ho valor 115 iha Eskola Baki", dehan nia iha Plenária Parlamentu Nasionál, segunda (05/02).
Deputada husi Bankada KHUNTO, Olinda Guterres mós husu atu ezonera superior sira ne'ebé halimar fo'er.
"Husu ba ema ida ne'ebé mak halimar ema nia valor di'ak liu ezonera se Ministru la mampu, entaun ezonera uluk Ministru, tanba la mampu", nia husu
Bainhira iha Membru husi Partidu KHUNTO mak la iha kapasidade, entaun troka tiha, nune'e mós hanesan Partidu FRETILIN.
Situasaun ne’e, parte husi eskola halo ona kontestasaun ba Diretor Edukasaun iha RAEOA, maibé resposta katak, imi la iha direitu, tanba eskola paralelu, nune’e estudante sira sente ladún favorese hadi hato’o ba Deputadu sira levanta iha Parlamentu Nasionál.
"Tanba ne'e mak husu imediatamente ba Ministériu Edukasaun atu Koordena Prezidente RAEOA liu-liu Sekretária Rejionál Sekretáriu Edukasaun atu haree kestaun ne'e", nia akresenta. (*)