Login to your account

Username *
Password *
Remember Me

MESSK sei Publika Lista Asesu ba UNTL iha Fevereiru

MESSK, Longuinhos dos Santos ho Diretór sira halo hela lansamentu ba koresaun matéria estudante foun husi Rejime Espesiál, iha salaun MESSK Kolmera, Segunda (09/01). MESSK, Longuinhos dos Santos ho Diretór sira halo hela lansamentu ba koresaun matéria estudante foun husi Rejime Espesiál, iha salaun MESSK Kolmera, Segunda (09/01). Foto Tempo Timor

Tempotimor (Dili)-Ministériu Ensinu Superior Siensia no Kultura (MESSK) sei publika lista ne’ebé atu asesu ba Universidade Nasional Timor Lorosa’e iha fulan-fevereiru tinan 2023.

Tanba, dadaun sei halo koresaun ba estudante foun rejime espesiál hamutuk na’inn rihun 3.065, ne’ebé tuir ona ezamen.

Total iha 3.470, maibé na’in 3.065 ho pursentu 88,3 mak konsege tuir ezame rejime espesial, no sira la tuir ezame hamutuk 405  ho pursentu 0,7.

"Fim de fevereiru ita fo sai, tanba sei hein hela rezime jeral, tanba rejime jerál sai konfuzaun ba entidade hotu-hotu dalabarak sai kestaun ba deputadu sira, nune'e rejime jerál fahe ba rua rejime jerál ensinu sekundáriu jerál no rejime jerál ba Tekniku Vokasional, tanba diferensia disiplina", dehan nia iha salaun MESSK Kolmera, Segunda (09/01).

Tuir Ministru Ensinu Superior Siensia no Kultura (MESSK), Longinhos dos Santos katak, faze dahuluk ba tinan foun 2023, ne'ebé foin hahú koresaun ba ezame rejime espesiál hanesan oportunidade fo ba estudante sira akaba iha tinan haat liu ba.

"3.065 kandidatus ne'ebé kategoriza ba rejime espesial mak hanesan rejime espesiál ba oportunidade total hamutuk 1.586 ka reprezenta 51,7%, rejime espesial ba veteranus antigus kombatentes Libertasaun Nasional nian ho total 370 ho 12% no rejime espesial hakbiit ho total 1.094 ho 35,7%", nia dehan.

Tuir mai, rejime espesiál seluk ne'ebé aas liu idade 23 no sidadaun Timoroan ne'ebé finaliza sira nia estudu Ensinu sekundariu iha rai liur no mos partisipa iha prosesu ezame rejime espesial nian hamutuk 15 ho 0,6% ne'ebé sura hamutuk ona ho 3.065 kandidatus ne'ebe tuir ezame rejime espesial nian.

"Husi kandidatus 3.065 ne’e, ita kategoriza kada Munisípiu ne'ebé númeru aas liu mak Munisípiu Dili, ne’eb’e hamutuk 746, tuir mak Rejiaun Administrativa Espesial Oekuse Ambenu (RAEOA) iha 344, Bobonaro 331 no númeru menus liu mak Atauru 49 ho Vikeke 49, ne'e mak númeru kandidatu ne'ebé tuir ezame rejime espesial nian", nia hatutan.

Koresaun ba matéria hirak ne'e, sei remata iha fulan-fevereiru, no tuir Komisaun Asesu Ensinu Superior (KAES) sei haree no identifika tuir valor maximu no minimu ne'ebé iha atu desidi pasa ka lae.

Enkuantu valor ne’ebé aplika ba Rejime jerál husi Ensinu sekundária jerál iha 42 to'o 50  ba sira ne'ebé remata tuir sira nia koñesimentu liu-liu hanesan Siensia Naturais ne'e bele asesu iha Medisina, maibé Tekniku Vokasional sira la bele, tanba ne'e mak halo separasaun.

Nune'e, tekniku Vokasional tuir vaga ne'ebé mai husi Ensinu Superior publiku UNTL no IPB presiza valor aas hanesan 36 mai to’o 24 mak sira na’in hira bele pasa, ne'e mekanizmu ne'ebé halo atu bele iha balansu entre Ensinu Sekundáriu Jerál no tékniku vokasional. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter