Print this page

Governu Triste Simu Notísia Falesimentu Monseñor José António da Costa

By December 30, 2022 1681
Menseñor José António da Costa. Menseñor José António da Costa. Foto Suplay

Tempotimor (Dili)-Governu Timor-Leste sente triste simu notísia falesimentu (mate) husi Menseñor José António da Costa, iha loron 28 fulan-dezembru tinan 2022.

Prezidénsia Konsellu Ministrus liuhusi Komunikadu Imprensa katak, ho laran triste boot tebes no sentimentu ne’ebé kle’an, bainhira Governu Repúblika Timor-Leste simu notísia kona-ba Monseñor José António da Costa, Pároku Sé Katedral Díli no Vigáriu Jeral Arkidioseze Díli.

Monseñor José António da Costa mate iha loron kuarta, loron 28 fulan-dezembru tinan 2022, Ospital Nasional Guido Valadares, iha Díli, hafoin moras kleur.

Iha momentu triste ida ne’ebé kle’an ba relijiozu no povu timoroan tomak ein jerál, Porta-vos Governu nian, Ministru Prezidénsia Konsellu Ministrus, Fidelis Manuel Leite Magalhães, lori Konsellu Ministrus no Povu tomak nia naran hato’o sentidas kondolénsias ba família estimadu Padre José António da Costa no ba Igreja Katólika timoroan. 

Biografia badak Monseñor José António da Costa

Monseñor José António da Costa mori iha Fatuk Belak, povoasaun Fatuk Mutin, Suku Fatuk Kahi, Postu Administrativu Fatuberliu, Munisípiu Manufahi, loron 4 Maiu 1940, oan husi  António da Costa (Falecido) no Etelvina da Costa (Falecida).

Monseñor José António da Costa iha Maun alin no feton hamutuk na’in-11 hanesan Maria da Costa (Falecida), Carlos da Costa (Falecido), Deolinda da Costa (Falecida), Ivónia da Costa (Falecida), Domingos da Costa (Falecido), Olimpida da Costa (Falecida), Monseñor José António da Costa (Falecido recentemente), Ana da Costa (Falecida), Filomena da Costa (Falecida), Aurelia da Costa no Luis da Costa.

Monseñor José António da Costa hahú nia estudu iha Ensinu Primário (6 anos de Escolaridade) Soibada (1949-1955), Ensinu Secundário ka equiparade, Semináriu Menor, iha Dare (1955-1960), Seminário Maior, kurso Filozófiku, ihaDare no Makau (1960-1963); Kurso Teolójiku, iha Makau (1963-1967), no Estudu Superiór, Lisensiadu iha Direitu Kanóniku, Universidade Gregoriano, iha Roma (1971-1973)

Monseñor José António da Costa simu Ordenação Presbiteral, iha Fátima, Portugal (1967). Iha  Ministérios Pastorais sai hanesa Vigário Cooperadora, iha Bobonaro (1968), no Pároco da Sé Catedral, iha Dili (1993 até terminar nia moris).

Iha Serviços Eclesiásticos hanesan Professor no Seminário Menor, iha Dare (1970-1973), Chanceler da Câmara Eclesiástica/Curia Diocese de Dili (1974-1993),  Procurador Geral/Ecónomo da Diocese de Dili (1975), Diretor do Secretariado das Escolas Católicas (1983-1985), Vigário Geral da Diocese de Dili (1993-2003), no Vigário Geral da Arquidiocese de Dili (2016 até terminar nia moris). 

Ba Serviços não Eclesiásticos mak durante administrasaun Indonézia nian, sai hanesan Chefe dos Serviços de Educação de Timor-Ensino Primário, Chefe da Cruz Vermelha da Indonésia, iha Timor, Koordenadór Organizações não-Govermentál Timorenses, iha Timor, no iha tempu governu UNTAET sai hanesan Membro do Conselho Consultivo Nacional (CCN).  (*)

Rate this item
(0 votes)
Last modified on Friday, 30 December 2022 19:49
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items