Print this page

Horta ‘Gava’ Eskola Portogéz iha Timor-Leste Hatudu Kualidade Di'ak

Prezidente Repúblika (PR), José Ramos Horta. Prezidente Repúblika (PR), José Ramos Horta. Foto Suplay

Tempotimor (Dili)-Prezidente Repúblika (PR), José Ramos Horta gava Eskola Portogéz Dili Ruy Cinatti ne'ebé dadauk ejiste iha Timor-leste hatudu duni sira-nia kualidade di'ak.

“Eskola ida-ne’e ha’u konsidera eskola ne’e kualidade aas tebe-tebes”, dehan Horta hafoin abertura prosesu aprendizajen ba eskola portugeza Dili Ruy Cinatti ba tinan fiskál 2022-2023, iha Balide, tersa (13/09).

Tanba Eskola Portogéz Dili Ruy Cinatti ne'e hetan aloka orsamentu direta husi Estadu portugéz, kada tinan aloka euro millaun $5, hodi responde ba infraestrutura báziku no salariál ba profesór sira, inklui materiál eskolá nian.

Durante ne'e, estudante Eskola Portogéz mós kuaze 100% timoroan liu ona 1000-resin no iha ne’e kualidade aas tebe-tebes, no atinje mudansa boot, tanba balun asesu eskola kontinua iha nasaun Portugez no rai seluk tanba sertifikadu eskola portugeza ida-ne’e iha rai ne’ebé rekoñesidu iha Europa tomak.

Maibé iha mós eskola seluk mak CAFE ejiste ona iha munisípiu sira no ida-ne’e mós kualidade di’ak, tanba profesór sira mai husi li’ur no timoroan balun ne'ebé hanorin ne'e, sira mós manán esperiénsia.

Tanba ne'e, ejistensia eskola portugeza iha Dili importante tebes kontribui rekursu umanu Timor-Leste nian, ne'ebé di’ak tebe-tebes, no Xefe Estadu apoia eskola ida-ne’e (eskola portugeza Ruy Cinatti) no apoiu eskola hothotu iha rai-laran, nune’e husu Governu atu tau orsamentu hodi dezenvolve di'ak liután.

Purtantu totál estudante ne'ebé kontinua hela estudu iha Eskola Portugez Ruy Cinatti iha tinan fiskál 2022-2023 ne'e hamutuk 1.280.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items