Print this page

Kardeál Virgilio Sai Primeiru Kolaborador Amu Papa iha Timor-Leste

By September 06, 2022 1179
 Sua Eminénsia Kardeal Dom Virgilio do Carmo da Silva. Sua Eminénsia Kardeal Dom Virgilio do Carmo da Silva. Foto Suplay

Tempotimor (Dili)-Sua Eminénsia Kardeal Dom Virgilio do Carmo da Silva hatete, kna’ar kardeal sai primeiru Kolaboradór ba Amu Papa Francisco hodi fó nafatin apoiu direta Igreja Katólika atu kontinua haburas hametin haklaken Maromak nia liafuan ba sarani sira iha Timor-Leste.

“Kna’ar kardeál sai primeira Kolaborador Amu Papa nian, maske hela dook iha-ne'e maibé nafatin atu kolabora fó apoiu ba servisu oioin ne'ebé kuandu husi Vatikanu presiza ami-nia apoiu ami nafatin fó apoiu, kna’ar Kardeál ne'e apoiu mais direta, opoiu uma kreda ne'e ida de'it atu kontinua haburas, hametin haklaken Maromak nia liafuan iha ita-nia rai doben Timor-Leste nian”, Esokuja Kardeál Dom Virgilio do Carmo liuhusi Konferénsia Imprensa iha Salaun Aeroportu Internasionál Nicolau Lobato, Komoro, segunda (05/09).

Alende nia fó agradese ba Prezidente Repúblika ne'ebé delega Xanana Gusmão no Governu ne’ebé delega ekipa ida hodi partisipa eventu ne'e hahú to'o rohan.

“Hakarak partikularmente agradese ba Na'i Prezidente Repúblika maske labele partisipa iha ne'ebá (Roma-red) mais delega ekipa ida ne'ebé xefia husi Señór Xanana Gusmaun ba partisipa eventu iha ne'ebá desde inisiu to'o hotu”, afirma nia

Alende nia fó agradese ba Sarani Katólika tomak ne'ebé mak durante ne'e suporta Kardeál Dom Virgílio do Carmo iha Vatikanu no Timor-Leste.

“Agradese ba imi-nia domin ne'ebé mak manifesta liuhusi dalan oioin iha loron hirak nia laran no ita sei kontinua nafatin to'o aban”, hatete nia

Iha loron segunda (05/09), sua Eminénsia Kardeál Dom Virgilio do Carmo to'o iha Timor-Leste ho aviaun Euro Atlántiku iha oras tuku 07:05. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items