Print this page

Autoridade Laulara Husu Sarani Katólika Labele Taka Dalan ba Protestante

By August 30, 2022 1474
Administradór Postu Laulara, Alfrédo de Fátima tesi hela fita ba Igreja Evangélica Asembleia de Deus Kongregasaun Fatisi iha Suku Fatisi, sábadu (27/08). Administradór Postu Laulara, Alfrédo de Fátima tesi hela fita ba Igreja Evangélica Asembleia de Deus Kongregasaun Fatisi iha Suku Fatisi, sábadu (27/08). Foto Tempo Timor

Tempotimor (Dili)-Administradór Postu Laulara, Alfrédo de Fátima husu ba sarani Katólika iha Postu Laulara atu labele taka dalan ba sarani Protestante sira bainhira halo nia atividade relijiozu sira.

“Igreja ida-ne'e hari’i atu halibur sarani husi Asembleia de Deus la taka dalan maibé hothotu bele fiar Katólika, ka Protestante hothotu fiar ba Jesus, fiar ida de'it mak Na'i Jesus tanba ne'e ha'u agradese ba Amu husi Koreanu bele fó apoiu hanesan orsamentu balun hodi mai ajuda Igreja ida-ne'e sai ne'ebé ohin ita hamutuk iha-ne'e (Fatisi-red) ida-ne'e ha'u agradese tebes”, dehan nia iha nia intervensaun bainhira inaugura Igreja Evangélica Asembleia de Deus Kongregasaun Fatisi iha Suku Fatisi, sábadu (27/08).

Tanba Kristaun Katólika no Protestante adora de'it ba Maromak ida de'it tanba kria kontribui paz no dezenvolvimentu iha Suku no relijiozu sira.

“Tanba ita hotu ohin loron fiar ida de'it fiar ba Aman Maromak tanba ne'e mak ha'u husu ba sarani Katólika no sarani Protestante para ita servisu hamutuk maske Igreja ida-idak maibé ita fiar ba Na'i ida de'it mak na'i Maromak, ha'u husu ita-boot sira unidade, para kontribui ba dezenvolvimentu e Kontribui ba relijiosu ne’ebé mak eziste iha ita-nia suku ida ne'e iha Postu Laulara’, afirma nia.

Alende ne'e nia mós husu ba Sarani hotu atu tau matan lisuk ba Igreja Protestante Assembleia de Deus ne'ebé mak lokaliza iha suku Fatisi tanba ne'e nu'udar uma lulik ida ba sarani sira hotu nian.

Tanba loron barak mak sarani sira halo ida-idak nia atividade maibé to'o tempu Domingo tenke filafali ba uma kreda hodi rona Maromak nia liafuan no halo tuir iha nia moris tomak.

“Maske ita la'o ba dook maibé loron Domingo ita labele falta odamatan mak labele taka, keta halo ba sarani sira hamriik iha li'ur maibé loke hodi sarani sira adora ba iha Na'i Maromak”, hatete nia. (*)

Rate this item
(0 votes)
Last modified on Tuesday, 30 August 2022 12:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items