Login to your account

Username *
Password *
Remember Me

Administrasaun Parókia Venilale ‘Obriga’ Dioseze Baukau Husu Deskulpa ba Sarani Baukau

Karta husu deskulpa ne'ebe fo sai husi Dioseze Baukau. Karta husu deskulpa ne'ebe fo sai husi Dioseze Baukau. Foto Suplay

Tempotimor (Dili)-Diosese Baukau liuhusi Vise Cancheler Dioseze Baukau, Padre (Pe.) Deonisio F. D. G. Soares, obriga husu deskulpa ba sarani sira iha Dioseze Baukau, tanba Administrasaun Kartoriu iha Parókia Venilale hasa’e presu ba tratamentu sertidaun batizmu.

“Tanba ne'e Dioseze Baukau no amu pároku Venilale hakarak husu deskulpa ba maluk sarani sira hotu liliu parokianu venilale ba erru ne'ebé durante ne'e halo iha Kartóriu parokiál iha Parokia Venilale”, dehan nia liuhusi komunikadu imprensa ne'ebé www.tempotimor.com asesu husi Dioseze Baukau, kuarta (09/08).

Nune'e Dioseze Baukau mós nafatin hato'o saudasaun fraternál iha kristu ba ema hotu, tanba iha semana hirak ne'e nia laran, iha mídia sira liliu RTTL fó sai informasaun kona-ba presu sertidaun iha parókia venilale ho kustu 30 dolar (presu ne'e refere ba prosesu rekerimentu  to'o hetan sertidaun) katak presu ne'ebé la tuir tabela Administrasaun husi Dioseze Baukau.

Haree ba realidade hirak ne'e servisu Kanchelaria bolu kedas pároku Venilale no Vigariu Foraneu de Baukau, Pe. Manuel da Silva Ximenes, SDB buka tuir informasaun iha parókia venilale deteta katak loos duni, presu sertidaun la tuir duni tabela ne'ebé Dioseze Baukau fó sai ba párokia hotu ne'ebé pretense ba Dioseze Baukau.

Tanba hakarak hato'o ba sarani sira hotu ne'ebé pertense ba porsaun Dioseze Baukau nian atu kria sentidu perténsia ba Igreja katak Igreja ne'e Jesus Kristus nian no ita hola parte iha igreja (Igreja Sinodal) tanba ne'e karik iha problema ka failansu ruma iha Administrasaun kartoriál iha parókia sira, husu sarani sira-nia tulun atu informa no rezolve ho amu pároku sira ou ba amu Vigáriu Forâneo no ba Governu Sentral Dioseze Baukau nian atu buka dalan hodi Rezolve. (*)

Rate this item
(0 votes)
Last modified on Thursday, 11 August 2022 09:42
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter