Login to your account

Username *
Password *
Remember Me

Austrália Konkorda Planu MEJD ba Fornesimentu Edukasaun Bázika Kualidade

Ekipa Ministériu Edukasaun, Juventude no Desportu (MEJD) hala’o enkontru ho parseiru Dezenvolvimentu umanu. Ekipa Ministériu Edukasaun, Juventude no Desportu (MEJD) hala’o enkontru ho parseiru Dezenvolvimentu umanu. Foto Suplay

Tempotimor (Dili)-Governu Austrália liuhusi Parseria ba Dezenvolvimentu Umanu konkorda planu Ministériu Edukasaun, Juventude no Desportu (MEJD) ba fornesimentu edukasaun bázika kualidade iha tinan 2022.

Tuir informasaun ne’ebé www.tempotimor.com, asesu iha pájina MEDJ, sesta (05/08) katak, Parseria ba Dezenvolvimentu Umanu hala'o sorumutuk ho ekipa husi Ministériu Edukasaun, Juventude no Desportu (MEJD) hodi reflete esforsu sira fornese edukasaun bázika kualidade iha tinan 2022, no konkorda ona ho planu orsamentu no implementasaun atividade ba tinan sira tuirmai, no sei aprezenta ba Ministru Edukasaun, Juventude no Desportu no Embaixadór Austrália hodi approva.  

Líder ba Ekipa Programa Jestaun (EPJ), Diretór-Jerál Edukasaun no Formasaun MEJD, Luis Fernandes hatete, objetivu kona-ba edukasaun sei alkansa liuhusi esforsu ho kualidade ne’ebé mak aas no kooperasaun husi envolvimentu ema hotu nian.

“Edukasaun bele lori sosiedade ida-ne'ebé matenek no produtivu liu, maibé ida-ne'e depende ba ita-nia progresu hodi alkansa ita-nia objetivu sira iha tinan 2030. Ami halibur ona ema sira ne'ebé forma edukasaun no maske ami iha diferensa, ami sei la husik ema ida iha kotuk”, hatete nia.

Durante diskusaun ne’e, hetan ona akordu ba rekomendasaun prinsipál sia (9) no sei lori ba sorumutuk komisaun jestaun nian tuirmai atu hetan aprovasaun finál.

Iha sorumutuk ne'e partisipa husi Diretór Jerál Luis Fernandes, Konselleira ba Dezenvolvimentu Umanu embaisada Austrália, Rebecca Dodd no Diretora Jerál no Nasionál sira seluk iha MEJD. (*)

Rate this item
(0 votes)
Last modified on Saturday, 06 August 2022 14:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter