Tuir informasaun ne’ebé www.tempotimor.com, asesu iha pájina KFP, sesta (05/08) katak, iha termu adezaun ne’e, Prezidente Komisaun Funsaun Públika, Faustino Cardoso Gomes, lori Komisaun nia naran fó parabéns no kongratulasaun ba bolseira Sara Correia Castro, ho kategória Téknika Profesionál ho Grau-C, ne’ebé mak selesionada ba programa bolsa de estudu iha Japaun Development Scolarship-JDS.
Prezidente Faustino konsidera eventu refere, hanesan eventu dahuluk, hala’o iha kontestu iha Komisaun Funsaun Públika ne’e la’ós foin halo kontratu maibé nia manifestasaun ka realizasaun ne’e mak foun.
Tuir Prezidente KFP, iha asina termu aseitasaun ne’e estuda no bainhira konklui, bolseira sei filafali hodi kumpre no servisu ba Instituisaun ne’e durante tinan rua antes deside ba fali área seluk.
Hafoin serimónia termu de adezau bolseira Sara Correia Castro hatete, pesoalmente wainhira foti ona desizaun hodi aplika ba kualker bolsa tenke komprementidu ona katak, tenke hotu ho esforsu tomak.
Bolseira Sara Correia Castro ne’ebé sei ba kontinua estudu iha Japaun hahú husi loron 18 Agostu no termina iha 18 Novembru 2024.
Partisipa iha serimónia ne'e Komisariu KFP, António Freitas, Komisáriu Fausto da Silva Freitas, Sekretária Ezekutiva KFP, Maria da Costa Oliveira no diresaun nasionál Planeamentu Kuadru Pesoál iha Funsaun Públika. (*)