“Tanba amu Papa Francisco dehan (Joven mak Igreja e Igreja mak Joven) ne'e duni atu igreja ne'e nia rustu atu joven nafatin, presiza envolve joven sira”, dehan nia iha palásiu Prezidensial Bairo Pite, kuarta (27/07).

Ba Kompromisu ne'e mak Komisaun Nasionál Juventude Katólika ne'ebé kompletu husi Disoze Dili, Baukau, no Maliana sei realiza atividade jornada Nasionál Katólika iha Lolotoe.

Ho atividade Jornada refere ne'e sei envolve reprezentante sira husi Dioseze tolu, arte marsiál no Defisiénsia sira, joven sira husi Partidu nomós estudante universitáriu.

Programasaun ba jornada ne'e mak oinsá atu to prioridade liu ba joven sira-nia hamutuk, ida-ne'e mak importante no daruak mak sira bele mós partilla esperiénsia.

Nune'e iha atividade refere sei halo mós formasaun, palestra, nomós sei fó oportunidade ba joven sira-nia atu ko’alia, fó opiniaun inklui krítika sira.

Aleinde igreja mós sei halo asaun karidade ne'ebé sei lori joven sira ba atu haree possibilidade no apoiu buat ne'ebé komunidade sira presiza.

“Ne'ebé atividade hirak ne'e mak sei hala'o iha ne'ebá”, hatete nia. (*)