“Ami mai husu Xefe Estadu nia paresér atu tulun UDMTL no maluk ho defisiente sira bele asesu ba subsídiu husi Governu liuhusi MSSI no buat ne’ebé importante liu mak ami hakarak Xefe Estadu ko’alia ho Governu estabelese ensinu rekorrente ne’e to’o iha nível sekundáriu”, dehan Diretór Ezekutivu UDMTL, Jacinto Pereira hafoin audénsia ho PR Horta iha Palásiu Prezidensiál Bairo Pite, sesta (17/06).
Tanba ko’alia kona-ba asuntu Ensinu ne’e, ME liuhusi Departamentu Ensinu Rekorrente foin estabelese to’o de’it iha Pre-sekundáriu tanba ne’e mak defisiénsia sira remata iha Pre-sekundáriu, sira labele kontinua sekundáriu tanba seidauk iha Eskola Sekundáriu.
Nune’e UDMTL halo audénsia ho Prezidente Repúblika (PR) atu informa kona-ba situasaun real ida-ne’e hodi husu Xefe Estadu nia paresér atu tulun UDMTL liliu prosesu apoiu sira husi Governu liuhusi Ministériu Solidariedade Sosiál no Inkluzaun (MSSI) no Ministeriu Edukasaun bá organizasaun defisiénsia matan.
Tuir dadus sensu uma-kain tinan 20215, iha númeru ema ho defisiénsia atinje 38.128 no tuir relatóriu demography health survey númeru ema ho defisiénsia atinje 50.000 no husi ne’e ema ho defisiénsia matan hamutuk 14.118. (*)