“Maibé iha Munisípiu saida mak ami hetan katak iha manorin na'in lubuk ida ne'ebé mak seidauk hakarak uza maneira zero toleránsia maske ida ne'e obrigatóriu maibé dala barak sira kontinua kontra sira kontinua uza violénsia iha prosesu aprendizajen tanba razaun katak ita-nia oan sira kuandu mestre ko'alia de'it sira lakohi atu halo tuir”, dehan Dinorah Granadeiro ba jornalista sira Salaun City-8 Has laran, Manleuana, sesta (10/06).
Maibé iha Dili maioria mak hanoin polítika zero toleránsia iha eskola sira, maske iha Munisípiu barak mak seidauk aplika polítika refere.
Tanba ne’e, INDDICA kontinua esforsu atu f’o hanoin ba Ministériu Edukasaun Juventude no Desportu atu kria regulamenntu no aplikasaun sansnasaun ba manorin sira ne’ebé mak uza violénsia iha kada eskola.
“Ita esforsu hela nafatin fó hanoin Ministériu Edukasaun atubele iha regulamenntu ka regra ruma ne'ebé mak forte loos no sansaun ne'ebé forte ba manorin na'in sira atu labele kontinua uza violénsia iha prosesu aprendizajen”, afirma nia.
Durante ne’e mestre barak mak simu ona sansaun bainhira aplika violénsia iha prosesu aprendizaje.
“Ami espera katak sansaun sira ne'e bele kontribui tanba barak husi ne'ebá tenke lakon sira-nia serbisu hanesan manorin na'in sira tenke lakon depois sira Administrativu balun tenke muda ba eskola seluk ida ne'e mós sai hanesan presaun ba sira nomós ba sira-nia kolega manorin na'in sira seluk komesa atensaun ona”, hatete nia. (*)