Print this page

AETC Husu Horta Fasilita Bolseiru Timoroan 130 Fila ba Xina

Emblema AETC Emblema AETC Foto Suplay

Tempotimor (Dili)-Prezidente Asosiasaun Estudante Timoroan iha Xina, (AETC), Esmeraldito Ferreira, husu Prezidente Repúblika (PR), José Ramos Horta, atu buka meiu hala'o komunikasaun diplomátika atu fasilita bolseiru timoroan na’in-130 fila ba Xina hodi kontinua sira-nia estudu.

“Ohin mai hato’o ami-nia preokupasaun oinsá Prezidente bele apoiu bolseiru timoroan besik 130 filafali ba Xina hodi kontinua sira-nia estudu, bele ramata tuir tempu ne’ebé iha”, dehan nia hafoin audénsia ho PR Horta iha Palásiu Prezidensiál, Bairropite, tersa (31/05).

Tanba estudante hamutuk 30 ne'ebé kontinua estudu iha Xina labele halo renovasaun ba sira-nia pasaporte iha ne'eba entaun sira deside fila mai iha Timor-Leste.

Maske estudante sira ne'e konsege renova ona sira-nia pasaporte maibé labele fila ba Nasaun Xina tanba impede husi pandemia COVID-19.

Husi Estudante hirak ne’ebé ba eskola iha Xina ne’e maiória povu aileba nia oan maibé sira ba Xina tanba sira asesu bolseiru ne’ebé oferese husi Governu Xina ne’ebé agora presiza apoiu duni sira fila hodi kontinua estudu bele ramata tuir tempu termina.

Tanba estudante barak daudaun iha Timor-Leste laiha vontade atu kontinua estuda tanba ho problema internet, no estudante ne’ebé iha área estudu ba materia enjeñaria no medisina sira laiha prátika.

Nune'e iha kursu balun rekere estudante sira atu halo prátika iha laboratóriu ospitál no iha Timor-Leste seidauk iha, nune’e difikulta sira atu finaliza estudu ne’ebé determina ona.

Purtantu estudante sira seluk ho área estudu finansa, ekonomia, relasaun internsionál hala’o estudu duni husi online no foin lalais balun konsege gradua ona, ne’ebé tuir dadus iha bolseiru timoroan ne’ebé iha Xina hamutuk 200-resin no agora 130-resin, nune’e hirak ne’ebé ho área espesializada hanesan medisina presiza fila hodi kompleta estudu.

Ba preokupasaun hirak ne’e parte AETC halo hela komunikasaun ho parte Governu la’o nafatin hodi buka dalan no ida ne'e iha ona prosesu nia laran no hein tempu badak bele hetan ona solusaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items