Tuir informasaun ne’ebé www.tempotimor.com asesu iha pájina SEA, tersa (31/05) katak, treinamentu ne’eb’e hala’o iha loron 24 maiu 2022, atu identifika fatin vulnerabilidade iha Suku irabin Inklui Aldeia sira ne’ebé sai pontu importante risku ba desastre Naturál Relasiona efeitu husi alterasaun klimatika ne’ebé afeita mundu global.

Sekretériu Estadu Ambiente, Demetrio do Amaral de Carvalho iha abertura trainamento hatete, programa IVA ne’e atu halo avaliasaun ida integradu kona-ba asuntu mudansa klimatika.

“Mudansa klima ne’e mai husi aquecemento globál hodi afeita ba mudansa temperatura. Aqucemento ne’e mai husi gas efeitu estufa sira ne’ebé rezulta husi atividade industria inklui sunu no estragu sira ba ita-nia atmosfera, ikus mai hamosu degradasaun kamada de ozonu”, dehan nia.

Trainamentu ne’e sei hala’o druante loron 2 no loron ikus partsipante sira sei identifika fatin risiku sira iha terenu suku Irabin kraik laran metodu avaliasaun ida ne’e uza metodu partisipativa hodi integra ideia husi komunidade sira atu planeia iha atividade sira Governu nian nomós bele partilla ho Ajensia sira.

Partisipa iha atividade ne’e, Administardór Posto Bazartete, Komandante Polísia Eskuadra Bazartete, Xefe Suku Mota Ulun ho Estrutura Suku, Komunidade inklui delegasaun husi ekipa téknika DNAC. (*)