Login to your account

Username *
Password *
Remember Me

FUP Eduka Labarik Sira iha Baukau Hadok Aan Husi Violénsia

Estudante sira tuir hela workshop iha salaun sentru konvensaun Baukau vila antiga, tersa (31/05). Estudante sira tuir hela workshop iha salaun sentru konvensaun Baukau vila antiga, tersa (31/05). Foto Tomas Freitas

Tempotimor (Baukau)‐Fundasaun Uma Paz (FUP) Baukau, eduka labarik sira iha Munísipiu Baukau atu hadok aan husi violensia hotu.

Diretóra Ezekutivu Fundasaun Uma Pas Baukau Felismena Belo hatete, selebrasaun loron mundiál ba labarik sira, tinan-2022, Uma Paz Baukau realiza workshop ho objetivu importante prepara ideias ba labarik sira iha futuru.

"Iha workshop ne'e, ami ko'alia kona-ba oinsá eduka labarik ho zero violénsia no mós oinsá mestre sira bele proteje di'ak liután ba labarik sira iha eskola ga iha sosiedade, involve mós labarik sira bele hatene, wainhira hetan violénsia sira bele prosesu liuhusi dalan," dehan nia iha salaun sentru konvensaun Baukau vila antiga, tersa (31/05).

FUP Baukau mós lansa tema-3 importante hanesan, salva guarda, lei direiru umanus inklui mós protesaun ba labarik sira.

"Ida ne'e, ita aumenta koñesementu, suporta, oinsá prosesu keixa iha eskola bele reduz ona violénsia iha eskola, entaun ida ne'e, maneira ida bele reduz prosesu aprendisajem la uza violénsia," nia hatete

FUP Baukau nota iha área remotas, labarik sira nia direiru ba prosesu aprendisajem númeru tuun kompara ho estudante sira eskola iha vila, tanba atendementu kona-ba meza kadeira laiha fó impaktu ba sira nia prosesu aprendijasem.

"Entaun ami halo workshop ida ne'e, sai pilotu ida ba oin fanu ita nia Governu tau atensaun," nia agrumenta

Alende ne’e, iha tinan-rua ba kotuk, FUP Baukau rejista kazu hamutuk 5 husi eskola, kona-ba abuzu husi profesores, asesu filmajem ladun di'ak ho prosesores sira, asedu seksual, asaltu seksual inklui explorasaun, maibé kazu hirak ne'e, FUP Baukau, servisu hamutuk ho PDHJ hodi halo keixa.

"Entaun liuhusi sira nia loron ida ne'e, ami mós prepara atividade ida mak workshop, aban loron 01 fulan-juñu ne'e ami sei halo troka papél, tanba sira mak importante iha futuru," nia informa

Husu parte relevante atu komemora mós loron importante ba labarik sira to'o iha nível Suku, tanba dala barak selebra de'it iha nasionál, hodi fó impaktu ba larabik sira iha baze lahatene nia loron importante.

Partisipante husi eskola kafé Baukau, Nenia Milena Belo da Silva, agradese, tanba bele partisipa iha workshop loron mundiál ba labarik nian hodi bele espresa sai direitu labarik sira nian ba públiku, kona-ba preukupasaun meza kadeira ba estudante sira, no nesesidade família nian afeita ba labarik sira balun la asesu edukasaun.

"Espera, husi loron ida ohin (31 fulan-maiu tinan-2022) labarik bele hatene sira nia direiru ezije liután sira nia direitu, espera ami hetan duni buat ne'ebé ami labarik nia direiru," nia infoma

Husu ba Governu, atu atende labarik sira nia direiru diak liután, tanba futuru nasaun nian iha foinsa'e nia liman laran. (*)

Rate this item
(0 votes)
Last modified on Tuesday, 31 May 2022 17:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter