Tuir informasaun ne’ebé www.tempotimor.com asesu iha pájina MTKI, tersa (31/05) katak, Dekretu-Lei no 38/2012, Regime ba formasaun no dezenvolvimentu Funsionáriu públiku iha dever atu hetan formasaun hodi assegura atendementu ba públiku ho efisiênsia no éfikasia hodi hala’o servisu ho profisionál iha área ne’ebé tutela ba.

Tanba ne’e, atu assegura no garante implementasaun kursu ba funsionáriu sira tuir lei refere, MTKI liuhusi Diresaun Nasionál Rekursu Humanu, Lideradu husi Diretor Nasionál Rekursi Humanu, Fulgéncio Pinto, realiza assinatura MoU entre Ministériu Turizmu, Komérsiu no Indústria ho AHHA Education Sols, hodi realiza kursu Lian-Inglés ba funsionárius hamutuk na’in-144.

Ba akordu ne’ebé hala’o iha loron segunda (30/05), Ministru Turizmu, Komérsiu no Industria, José Lucas do Carmo da Silva ne’ebé sai sasin ba Memorandum of Understanding (MoU) refere husi Diretora Jerál ba Koordenasaun, Administrasaun, Finansas no Planeamentu, Sulistiani Alves, ho Diretór Ezekutivu AHHA Education Sols, Adam Taylor, ne’ebé realiza iha Salaun Enkontru MTKI, Fumento, Dili. (*)