Login to your account

Username *
Password *
Remember Me

PN Kongratula Dom Virgilio Sai Kardeál Dahuluk ba Uma Kreda Timor-Leste

Arsebispu Arkidioseze Metropolitana Dili, Dom Virgílio do Carmo da Silva. Arsebispu Arkidioseze Metropolitana Dili, Dom Virgílio do Carmo da Silva. Foto Suplay

Tempotimor (Dili)-Parlamentu Nasionál (PN) aprova votu kongratulasaun ba Arsebispu Arkidioseze Metropolitana Dili, Dom Virgílio do Carmo da Silva, ne'ebé mak hetan nomeasaun husi Papa Francisco hodi sai nu’udar Kardeál dahuluk ba Uma Kreda Timor-Leste nian.

“Distintu deputadu, rezultadu votasan afavór 51 kontra 0 no abstensaun 0, ho nune'e votu numeru 14/2022 aprovadu”, dehan Prezidente Parlamentu Nasionál (PN), Aniceto Longuinhos Guterres Lopes, hafoin anúnsia rezultadu votasaun iha plenária PN, segunda (30/05).

Tanba tuir informasaun ne’ebé fó sai hosi Salezianu Dom Bosco Timor-Leste, katak iha konkluzaun Regina Coeli 29 iha fulan-maiu 2022 nian, Papa Francsico anunsia naran Kardeál foun ba Santa Kreda hamutuk na'in-21.

Nune'e e husi totál 21 ne'e, inklui mós Dom Virgílio do Carmo da Silva ne’ebé sei sai nu’udar Kardeál dahuluk uma Kreda Timor-Leste nian.

Dom Virgílio hetan nomeasaun sai bispu iha janeiru 2016 no partisipa iha Sínodo ne’ebé dedika ba joven sira iha tinan 2018. Nune'e mai filafali iha tinan 2019, Papa Frnacisco reside nomea Dom Virgílio sai Arsebispu ba Arkidioseze Metropolitana Dili nian.

Ho ida ne’e, Konsistóru ba kriasaun Kardeál foun sira-nian sei realiza iha loron-sábadu, 27 agostu 2022, no sira sei ba reprezenta Uma Kreda iha mundu tomak, no reflete kultura tomak ne’ebé eziste iha mundu ho ninia variedade tomak, kontestu no ministériu pastorál sira.

Tuir planu, Papa Francisco sei realiza mós enkontru ho Kardeál sira hotu iha loron 29 no 30 agostu atu reflete kona-ba Konstituisaun foun ba Cúria Roma nian, Servisu Sentrál Governu Igreja Katólika nian, nu’udar projetu sentrál Papa atuál nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter