Login to your account

Username *
Password *
Remember Me

UNESCO Lansa Formasaun Matemátika iha Baukau

Kordenadór siensia iha UNESCO Timor-Leste, Luis Nivio, ko'alia hela ba mídia iha salaun edukasaun Baukau, kuarta (25/05). Kordenadór siensia iha UNESCO Timor-Leste, Luis Nivio, ko'alia hela ba mídia iha salaun edukasaun Baukau, kuarta (25/05). Foto Tomas Freitas

Tempotimor (Baukau)-United Nation Educational Scientific And Cultural Organization (UNESCO) lansa formasaun siensia matemátika iha Munísipiu Baukau.

Kordenadór siensia iha UNESCO Timor-Leste, Luis Nivio, hatete, husi tinan-2021 to’o 2022 komisaun UNESCO hamutuk ho infordepe fó formasaun ba mestre sira primeiru segundu siklu, ne’ebé foka ba meteria siensia matemátika.

"Ami nia formasaun siensia matemátika ne'e, atu reforsa sira nia koñesementu báziku kona-ba hanorin ho prátika siensia matemátika oinsá mellora di'ak estudante sira nia koñesementu," dehan nia iha salaun edukasaun Baukau, kuarta (25/05).

Implementasaun reforma kurikulum, mestre barak seidauk domina atu uza planu aula nian, tanba ne'e liuhusi formasaun bele fortifika.

Enkuantu iha teritóriu nasionál, UNESCO  mestre sira hamutuk 1.700 ba formasaun siensia matemátika nian, iha Munísipiu Baukau UNESCO fó formasaun ba mestre sira pur-volta na'in-500.

"Agrupamentu ida mestre na'in-3 mak tuir disiplina siensia ida, matemátika ida no Diretór adjuntu ida ba formasaun grupu traballu profesores," nia informa

Tinan-2021-2022, UNESCO Timor-Leste apoiu fundus atu fó formasaun ba mestre sira iha teritóriu nasionál.

"Espera sei iha tán suporta atu ita bele fó tán formasaun ba mestre ne'ebé seidauk tuir formasaun," nia argumenta

Superintendente Edukasaun Baukau,  Celestino Simoes, hatete, formasaun ne’e, atu kapasita grupu traballu mestre, nune’e mellora di'ak liután sira nia kapasidade hanesan ema manorin.

"Formasaun ida ne'e, atu garante mestre sira nia servisu, bele hetan esprensia husi ema seluk husi nia fasilitadór sira atu hala'o ida ne'ebé mais dignu, mais preparadu," nia hatete

Partisipante Vise Kordenadora Eskola São Domingos Savio Baukau Vila, Guida Fatima, agradese ba formasaun husi oraganizasaun UNESCO, tanba bele aumenta tán kapasidade hodi implementa liuhusi hanorin ba estudante sira di'ak liután.

"Formasaun ne'ebé UNESCO fó ne'e, kapas tebes, tanba hanesan ke’e fali ami hanorin," nia agradese

Enkuantu formasaun durante loron 2 no partisipante sira mai husi adjuntu Diretór eskola ensiñu báziku nian no mestre primeiru no segundu siklu sira iha Munísipiu Baukau. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter