“Ha'u nafatin sisi ba Finansas atubele haree forma ida ne'e inklui mós ha'u ona karta ida ba Ministra Negósiu estranjeiru komunika ho embaixada Xina nian atubele kontinua estudu iha Xina" dehan Ministru Longuinhos ba jornalista sira iha Palásiu Governu, kuarta (25/05).
Estudante totál hamutuk 200 ne'e antes ne'e hala'o no estudu iha nasaun Xina maibé tanba situasaun COVID-19 ne'e mak estudante hirak ne'e fila mai Timor-Leste, maibé agora estudante hirak ne'e fila ba kontinua nia estudu mak laiha orsamentu atu fasilita sira hodi selu kuarentena iha Xina.
Tanba Verba ba selu kuarantena ne'e Ministériu Ensinu Superior laiha nune’e husu ba Ministériu Finansas atu kontinua apoiu orsamentu ba ida ne’e.
“Sira-nia difikuldade ida mak kestaun kona-ba orsamentu liliu kona-ba selu kuarentena nian iha Xina tanba ne'e mak difikulta finanseriu ida ne'e kuandu ministériu suprerior rasik laiha verba ida ne'e ate hakarak ka lakohi ita husu verba ida ne'e ita husu ba ministériu financas atu esforsu hela ida ne'e. Agora ita halo ona karta ida tan ba minestériu finansas atubele haree forma ida ne'e no buka nia solusaun”, afirma nia.
Alende ne'e MESSK mós halo ona karta ba Ministériu Negósiu Estranjeiru no Kooperasaun (MNEK) atu komunika ho embaixada Xina iha Timor-Leste hodi buka meius oinsá mak bele buka solusuan ba difikuldade sira refere.
“Totál estudante hamutuk atusrua (200) durante COVID-19 akontese sira mai hela iha ne'e to'o agora seidauk fila ida mak seidauk hetan autorizasaun husi Xina rarik”, haktuir nia.
Tuir planu Estudante hirak ne'e iha loron 17 fulan-maiu fila ba Xina hodi kontinua estudu maibé osan ba selu kuarentena laiha verba, tanba ne'e mak estudante hirak ne'e sei hein hela husi Ministériu relevante sira. (*)