Login to your account

Username *
Password *
Remember Me

KM Deside Aprova Dekretu-Lei ba Medida Apoiu Estabelesimentu Edukasaun

Ministru Prezidénsia Konsellu Ministru, Fidelis Manuel Leite Magalhães. Ministru Prezidénsia Konsellu Ministru, Fidelis Manuel Leite Magalhães. Foto Suplay

Tempotimor (Dili)-Governu liuhusi Konsellu Ministru (KM) aprova ona Projeitu Dekretu-Lei ne'ebé aprezenta husi Ministru Edukasaun, Juventude no Desportu (MEJD), Armindo Maia, kona-ba medida apoiu ba estabelesimentu edukasaun pré-eskolár, ensinu báziku no sekundáriu públiku.

Ministru Prezidénsia Konsellu Ministru, Fidelis Manuel Leite Magalhães hatete, dekretu ne’e partikulár integra iha rede oferta servisu públiku ba asesu internet, atribuisaun bolsa ba alunu sira ne’ebé di’ak liu no implementasaun projetu pilotu “eskola iha uma ka homeschooling” nune’e mós finansiamentu estudu viabilidade husi estabelesimentu eskola raiz.

“Ho projetu Dekretu-Lei ida-ne’e estabelese apoiu ida ba asesu ba internet, liuhusi pagamentu husi Estadu kustu instalasaun no manutensaun ligasaun ba internet husi parte dosente no alunu sira iha estabelesimentu ensinu báziku sentrál (EBC) no Sekundáriu Jerál no Tékniku-Vokasionál hamutuk 1.008, nune’e mós kustu ho tráfgu internet”, dehan Fidelis Manuel  Magalhães, iha Palásiu Governu, tersa (17/05).

Projeitu ne'e apoiu mós bolsa ida ba alunu ne’ebé di’ak, konsiste iha atribuisaun valór pekuniária, sira ne’ebé montante determina husi Diploma Ministeriál, ne’ebé dirije ba alunu hamutuk 5.837.

Ba projetu “Eskola iha Uma ka home schooling” finansiamentu destina atu hatán ba despeza sira kona-ba rekrutamentu, kontratasaun no formasaun profesór sira, ho akizisaun materiál didátiku-pedagójiku sira no prosesu monitorizasaun no avaliasaun. 

“Prevee katak projetu pilotu ne’e, iha Dili, inklui kontratasaun ba profesór hamutuk 442, ne’ebé sei atua iha aldeia 222. Apoiu ida-ne’e inklui tan apoiu ba Biblioteka Móvel no ba formasaun profesór sira, ho estudu viabilidade ba estabelesimentu Eskola Raiz”, informa nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter