Login to your account

Username *
Password *
Remember Me

UPF-CTC Halo Asaun Karidade ba Labarik Sira iha Fronteira

Komanndante UPF, Superintendente Euclides Belo. Komanndante UPF, Superintendente Euclides Belo. Foto Suplay

Tempotimor (Díli)-Polísia Nasionál Timor-Leste (PNTL) liuhusi Unidade Patrullamentu Fronteira (UPF) hamutuk ho ONG (Organizasaun Naun Governamentál) CTC-TL (Community that Care-Timor-Leste) realiza programa “Police goes to border Schools”, hodi halo asaun karidade ba labarik sira iha Fronteira.

Tuir informasaun ne'ebé www.tempotimor.com asesu Serviços Relações Públicas iha sábadu (16/05) ne'e, ONG CTC-TL apoiu brinquedos hamutuk kaixa rua ba estudante eskola rua, enkuantu apoiu mós Laptop ho marka Lenovo 2 ba UPF, ekipamentu desportu hanesan bola Volly no Futsal nian inklui kamijola hodi utiliza ba atividade polisiamentu komunitária iha liña fronteira.

“Ohin ita hamutuk ho ONG CTC-TL halo vizita mai eskola pre-escolar rua iha fronteira mak hanesan pre-sekundária Batugade no Pre-Eskolar Palaka ho objetivu atu hametin relasaun ho alunu ki’ikoan sira, motiva sira atu rona inan, aman, edukadór sira tanba estudante pre-eskolar sira ne’e nu’udar jerasaun kontinuadór ba nasaun nia futuru”, dehan Komanndante UPF, Superintendente Euclides Belo, iha nia kna’ar fatin Kuartel UPF, Nu Badak, Batugade, sesta (13/05).

Iha vizita ne’e introduz mós papel UPF nian hanesan ajente seguransa nasaun nian hodi halo kontrolu masimu iha fronteira rai maran hodi tau matan ba moviementu ilegál iha liña fronteira.

Entretantu Prezidente ONG CTC-TL, Simao do Rosario hatete, labarik sira iha direitu ba oportunidade ne’ebé hanesan iha rai laran.

“Durante pandemia virus Corona halo kauza sentimentu tristi ba labarik sira. Entaun ita mai hanesan mós nu’udar inan-aman nia atu ajuda pasa tempu kualidade ho ki’ikoan sira iha eskola hodi halimar brinquedos, le livru ka pinta hamutuk ho sira tanba labarik sira iha direitu ba oportunidade ne’ebé hanesan”, dehan Simão.

Alende ne’e, Diretora CTC-TL, Olandina Soares hatete, nia parte hakarak demonstra sira-nia domin hodi hasa'e labarik sira-nia konsiénsia hodi respeita malu iha eskola fatin no uma.

“Ita halo reflesaun ba loron 13 de maiu nudar loron domin nain feto nian, tanba ne’e iha loron ne’e ita fó mensajen ba sira atu husu paz, domin no ksolok iha moris loroloron nian no buka atu lori esperansa no mudansa ba labarik sira atu nune’e sira bele moris buras no iha esperiénsia moris ne’ebé sufisiente tantu iha sira-nia eskola nomós iha fatin ne’ebé sira hela ba”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter