Login to your account

Username *
Password *
Remember Me

Governu Hakarak Arte Marisiál Husik Pasadu Tane Espíritu Dame

Ekipa GAM hasai foto hamutuk iha iha Manatuto, Postu Administrativu Manatuto Vila, kinta (12/05). Ekipa GAM hasai foto hamutuk iha iha Manatuto, Postu Administrativu Manatuto Vila, kinta (12/05). Foto Suplay

Tempotimor (Manatuto)-Sekretáriu Estadu Protesaun Sivíl, Joaquim Gusmão hatete, Governu hakarak Arte Marsiál sira husik istória pasadu ne’ebé la fó vantazen ba nasaun, tanba ne’e hala’o kampaña dame ida ne'e marka pasu pozitivu atu hakiak dame no tane as espíritu dame.

“Agradese no sente orgullu tebes tanba ita mai hamutuk ho dame iha palku dame ida ne'e, atu hatudu dalan ba dame, hatutan ita-nia lian dame ba malu. Iha pasadu ita rona Grupu Arte Marsiál sira baku malu, malu maibé tempu agora asaun sira labele iha tan ona, ita labele hakerek tan iha ita-nia istórian liliu istória la di'ak iha pasadu ne'ebé liu ona”, dehan Joaquim Gusmão iha Manatuto, Postu Administrativu Manatuto Vila, kinta (12/05).

Maibé parte Governu autoriza ona Grupu Arte Marsiál sira livre atu halo atividade hanesan normál, maibé tenke iha kondisaun atu kalma, labele halo barullu, krime no ataka malu persiza tane ass espíritu dame nian.

Tanba protesaun sivíl liuhusi DNPKK ninia servisu mak atu halo prevensaun ba konflitu, promove dame iha komunidade no DNPKK ninia papel esensiál ida atu promove maluk feto sira iha atividade no ba servisu hothotu.

Nune’e husu ba juventude no Grupu Arte Marsiál sira atu hakiak dame no unidade lori pás, lori dezenvolvimentu ba Timor-Leste nian, ida ne'e mak Manatuto oan tenke realiza ba oin.

Administradora Postu Administrativu Manatuto Vila, Clara Ximenes informa, nia hala'o eventu ne'e halo preparasaun ba loron Komemorasaun independensia ba dala 20 nian iha tinan 2022 nian.

“Liuhusi organizasaun desportiva sira ha'u bele halo buat ki'ik oan ruma iha Manatutu maske neneik bebeik ho (Arte Marisiál) sira ha'u bele, ho inisiativa ida ne'e ha'u buka uluk mak Xefe suku sira ho nia estrutura sira tuir mai ha'u konvida koordena ho komandante Polísia e tuir mai Koordena ho Koordenadires Arte Marisiál sira”, informa nia.

Tanba organizasaun Arte Marisiál la'ós ema fuik maibé mós fuan hodi serbí rai Timor-Leste ne'e ba dezenvolvimentu nian.

“Ha'u hakarak arte marisiaál la'ós ema kriminozu la'ós ema fuik maibé ema ne'ebé iha mós fuan atu kontribui iha mós fuan atu serbí maibé depende ba lideransa ema ida ida-idak nian atu akumula sira hotu hetan aspirasaun ida ho objetivu ida de'it”, dehan nia.

Iha kampaña dame nian ne'e, Sekretáriu Estadu Protesaun Sivíl liuhusi Diresaun Nasionál Prevensaun Konflitu Komunitáriu (SEPS-DNPKK) hamutuk ho parseiru UN Women, g7+ no autoridade seguransa, autoridade lokál munisípiu Manatuto organiza ‘Kampaña no Jornada Promove Dame’ molok tama ba komemora loron restaurasaun indepéndensia Timor-Leste nian ba dala-20 iha loron 20 de Maio tinan 2022

Kampaña no jornada promove dame partisipa hosi Sekretáriau Estadu Protesaun Sivíl, Joaquim Gusmão, Xefe Edifísiu UN Women Timor-Leste, Nishtha Satyam, Sekretáriu Jerál g7+, Helder da Costa, Komandante PNTL Munisípiu Manatuto, Administradora Postu Administrativu Manatuto Vila, Clara Ximenes inklui membru grupu arte marsiál no arte rituál PSHT, IKS PTL, KORK, Taekwondo, Sete- sete, estudante, funsionáriu no komunidade sira. (*)

Rate this item
(1 Vote)
Last modified on Thursday, 26 May 2022 20:13
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter