Login to your account

Username *
Password *
Remember Me

SEJD ho FHT Lansa Manual Internet Saudavel ba Estudante Sira

Sekretáriu Estadu Joventude no Desportu (SEJD), Abrão Saldanha ‘Nokosiku’ entrega hela dokumentu ba reprezentante Fundasaun Hadomi Timor (FHT). Sekretáriu Estadu Joventude no Desportu (SEJD), Abrão Saldanha ‘Nokosiku’ entrega hela dokumentu ba reprezentante Fundasaun Hadomi Timor (FHT). Foto Tempo Timor

Tempotimor (Dili)-Sekrétariu Estadu Joventude no Desportu (SEJD) hamutuk Fundasaun Hadomi Timor (FHT) lansa manual Internet Saudavel no Vídeo utilizasaun Saudavel ba joven no estudante ho idade 15 to’o 24.

“Objetivu husi atividade ne'e, mak atu sensibiliza informasaun joven sira. Liliu Estudante sira ho idade 15 to'o 24 atu oinsá utiliza mídia sosiál liliu internet uza ho saudavel no responsavel siknifika ita-nia joven no estudante sira utiliza ba interese no peskiza referénsia sira no bele hetan esperiénsia foun sira seluk liuhusi tutoriál Youtube”, dehan Dirétor Nasional Kriatividade Joventude (DNKJ), Cesarinho da Silva, iha Salaun Magno SEJD, Bidau-Lesidere, kinta (12/05).

Tanba ne’e atu evita joven no estudante sira fahe informasaun falsu inklui labele lansa defamasaun ba ema seluk iha mídia sosiál. Nune'e, Lansa manual "Internet Saudavel no Video Utilizasaun Internet Saudavel".

Tuir planu formasaun hala'o durasaun semana rua (2), hahú iha loron segunda-feira, dia 16 Maiu iha Munisípiu Lautein inklui Munisípiu hotu no Rejiaun Automo Espesiál Oekussi Ambeno (RAEOA). Tarjetu partisipasaun joven no estudante kada Munisípiu hamutuk na'in-66. Hahú lansamentu to'o formasaun ne'e remata preve osan montante rihun $13.769 dollar amerikanu”, afirma nia.

Tanba ohin loron labele bandu joven no estudante sira atu uza internet nomós taka situs sira ne'e la’ós dalan tanba agora ema matenek barak liuhusi módia sosiál, maibé espera liuhusi programa ne'e, bele konsensializa joven no estudante sira atu uza internet ne'e ho di'ak.

Sekretáriu Estadu Joventude no Desportu (SEJD), Abrão Saldanha ‘Nokosiku’ hatete, lansamentu ne'e atu tulun joven no estudante sira oinsá atu utiliza internet ne'e ho saudavel no responsavel ba sira-nia moris.

Desde deskobrementu internet no teknolojia ba transporte komunikasaun nian iha Sekulu-XVIII (abad ke-18) halo mundu sei mudansa no klot tanba akontesementu iha fatin ne'ebé de'it liuhusi internet bele hatene.

“Ita bele aprende saida de'it bele halo tranzasaun, komunikasaun no fa'an sasán ruma bele liuhusi internet sira vida ohin loron ne'e maioria ho internet”, dehan nia.

Tanba prezensa internet nia importante tebes atubele fasilita ema esplora potensiál no fahe informasaun ba públika maibé internet rasik hamosu risku oioin hanesan Cyber Crime no situs sira ne'ebé ema ba asesu pornografia, tranzasaun ilegál no lansa informasaun falsu.

Nune'e, hakarak tulun Joven no Estudante sira liuhusi formasaun ruma atu uza internet ho saudavel no responsavel atu esplora sira-nia abilidade no potensiál aprende iha mundu virtuál ka online hodi promove komunidade sira liliu iha Timor-Leste.

Prezidente Fundasaun Hadomi, Abrão Monteiro hatete, Fundasaun Hadomi servisu hamutuk ho SEJD kleur ona no antes ne'e servisu hamutuk ona iha área informasaun nian.

“Ohin Fundasaun Hadomi hetan Previlejiu boot ida tanba bele servisu hamutuk ho SEJD atu fó formasaun hodi konsensializa ita-nia Joven no Estudante atu uza internet ho di'ak tuir regra hodi evita ameasa sira iha mídia sosiál”, informa nia.

Tanba hanesan ema hotu hatene, iha mídia sosiál impaktu barak depende ba utilizasaun di’ak bele hetan benefisiu entermus referénsia, informasaun, edukasaun, negósiu nian no vida polítiku nian, maibé uza ba ladi’ak sei afeta ba ema nia-an rasik, família, komunidade no nasaun.

Formasaun ne'e, pertenente tebes ba joven sira atu preparadu hodi hasoru teknolojia tanba labele hakiduk ona maibé presiza avanza ba oin hodi hasoru teknolojia ohin loron.

“Tarjetu ne'e, pendente tebes ba joven ho idade 15 to'o 24 atu aprende no iha kapasidade, abilidade ne'ebé di'ak atu utiliza internet ba ita tempu servisu ka fatin ne'ebé de'it atu kontribui mós estabilidade iha nasaun laran”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter