“Parabéns ba Jornalista Timor-Leste, ne'ebé mak ohin loron hala'o profisaun ida ne'e, tanba ita hotu hatene katak, profisaun ida ne'e importante tebés ba ema hotu ninia interese liliu hatutan ema kb'it la’ek sira-nia lian”, dehan Agosto Sarmento iha Centro Cultural Embaixada Portugal Kolmera, tersa (03/05).
Jornalista hasoru difikuldade barak los, maske serví públiku tuir kbi'it ne'ebé iha, hanesan iha Jornal, hotu hatene katak, ohin loron mosu iha globalniazaun no kompetisaun iha mundu ekonómia.
“Ita hotu hatene katak, iha mundu dijital saí hanesan dezafiu boot ida ba jornal sira, tanbá ita hotu hatene ema hotu halai liu ba dijital, nune'e Jornal liliu ba surat tahan sira ne'e komesa menus. Jornal barak iha mundu, muda sira-nia karater, ida ne'ebé mak uluk papel pájina barak, maibé agora diminui no iha sirkulasaun iha mundu mós komesa klot, ita haree Jornal boot sira hanesan Times, Net Work Times, no Jornal Ekonómia sira-nia sirkulasaun iha mundu ne'e halai liu ona ba dijitál no númeru sirkulasaun komesa menus”, afirma nia.
Tanba haree Jornalista sira iha Timor-Leste, problema prinsipal ida ne'ebé hasoru mak rekursus umanu, nune’e mós jornalista Timoroan sira tenke tuir no iha formasaun bebeik nune'e iha kapasitasaun atubele serví públiku tuir tempu ne'ebé mak la'o.
“Ita hotu hatene katak, uluk seí iha tempu ne'ebé mak di'ak, maibé tempu dijital ne'e ita iha kompetisaun boot liu la'ós entre mídia ida ne'ebé mak ita hasoru fali mak hoax. Hoax ne'e saí dezafiu boot ida ba Jornalista Timoroan sira liliu oinsá mak bele netraliza informasaun falsu sira ne'ebé mak halai liu ba rede sosiál”, hatete nia.
Tanbá ne'e mak Jornalista barak agora iha plata forma oioin hanesan Televizaun, Rádio, Jornal no Online, maibé atu ko’alia ba liberdade ho lolos, tanbá normalmente públiku nia karater ne'e sempre gosta bainhira hakerek di'ak de'it.
Maibé agradesne nafatin tanba Konstituisaun Repúblika Demokrátika Timor-Leste (K-RDTL) Artigu 40 no 41 ne'ebé mak garantia liberdade espresaun no liberdade imprensa iha Timor-Leste. (*)
