“Projetu Dekretu-Lei ne’e ho objetivu atu altera parsialmente estrutura orgánika husi Ministériu ne’e nian hodi permite rezolve obstákulu servisu balu iha tinan tolu ikus governasaun nian atu permite kontinuasaun serbisu kreximentu no evolusaun setór ensinu superiór iha Timor-Leste”, dehan Ministru Prezidénsia Konsellu Ministru, Fidelis Manuel Leite Magalhães, iha Palásiu Governu, kuarta (04/05).
Aleinde ne'e mós iha Konsellu Ministru ne'e, Governu reapresia no aprova mós projetu Dekretu-Lei, ne’ebé aprezenta husi Vise-Ministru Finansas, António Freitas, kona-ba Rejime Jurídiku foun Aprovizionamentu nian, Kontratu Públiku no ninia Infrasaun sira.
“Projetu Dekretu-Lei ida-ne’e sai ona hanesan objetu deliberasaun iha Sorumutuk Konsellu Ministrus nian iha loron 16 fulan-marsu tinan 2022, maibé tanba iha alterasaun balun iha faze redasaun finál, presiza submete ba deliberasaun foun”, informa nia.
Ho kriasaun rejime jurídiku foun, klaru, simples rigorozu no transparente liu hodi promove dezenvolvimentu ekonómiku no sosiál país nian. (*)