Print this page

KI Komemora Loron Mundiál Liberdade Imprensa ho Semináriu

Diretór Ezekutivu Konsellu Imprensa, Rigoberto Monteiro. Diretór Ezekutivu Konsellu Imprensa, Rigoberto Monteiro. Foto Suplay

Tempotimor (Dili)-Konsellu Imprensa (KI) Timor-Leste selebra loron mundiál liberdade imprensa ne’ebé monu iha loron tersa (03/05) ho semináriu tema ‘Jornalizmu iha Ameasa Digitalizasaun’.

“Ohin dala ida tan ita komemora loron Mundiál liberdade imprensa nian, kada tinan Konsellu Imprensa hala'o marsa liberdade imprensa ninian, hahú husi rotunda merkadu lama to'o Bekora, nia refleta ba avendida liberdade imprensa nian, maibé ohin ita halo semináriu ho tema mak jornalizmu ameasa dijitalizasaun”, dehan Diretór Ezekutivu Konsellu Imprensa, Rigoberto Monteiro, iha salaun Delta Nova, tersa (03/05).

Tanba iha tinan 2022, Konsellu Imprensa prepara ona konseitu tolu, Balibo Sidade ba liberdade, 16 Outubru hanesan Loron Nasionál liberdade imprensa ba Timor-Leste, Jardin no avendida liberdade imprensa hahú rotunda ba merkadu lama to'o Bekora.

“Nota sekuensia barak no tarjedia istória barak mak refleta iha sekuensia ne'e, husi nota tolu ne'ebé konsellu imprensa rejista, orsida ita sei aprezenta ba Konsellu Ministru sira no MAPKOMS atubele haree no debate ba futuru Governu bele dekreta husi rezolusaun balun”, esplika nia.

Jardin Liberdade imprensa ne’ebé hahú husi rotunda merkadu lama to'o Bekora, maibé iha tinan 2016 Governu habadak to'o iha Ponte Kuluhun nian.

“Governu sira hahuha istória tanba iha loron merkadu lama to'o Bekora iha istória barak no tarjedia barak mak Jornálista mate iha ne'e”, hatete nia.

Husi rotunda merkadu lama koñesidu ba fatin konsertasaun ba manifestasaun iha tempu rezisténsia ninian, Bedino Guterres nu'udar Jornálista rádiu matebian, hetan oho husi militár sira iha Kulu-hun no Sander Robert Jornálista enstrajeriu ida Indonézia oho iha Igreja Bekora nia oin.

Tanba iha momentu ne'ebá jornálista hamutuk ho Konsellu Imprensa deside hatur plaka avendida liberdade imprensa iha rotunda merkadu lama, sei husu Ministru Administrasaun Estatál (MAP) atu estende fali liberdade imprensa ba nia fatin.

Tinan ne'e Konsellu Imprensa sei hato'o nia proposta hodi atribui espasu ba liberdade imprensa iha jardin rotunda merkadu lama nian oin.

Iha semináriu ne'e hetan partisipasaun husi Ministru Asuntu Parlamentu Komunikasaun Sosiál (MAPKOMS), hetan partisipa mós husi estudante komunikasaun sosiál-UNTL no UNITAL, universidade UNPAZ, nomós Timor-Leste Press Uniaun (TLPU), Asosisaun Jornálista Timor-Leste (AJTL) no media iha Timor-Leste. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items