Sekretáriu Estadu Komunikasaun Sosiál (SEKOMS), Mericio Juvinal dos Reis ‘Akara’ hateten, portal goodNews On Timor Leste, portal ba imajen pozitivu Timor nian ne'e la'ós ba Governu de’it, maibé ba sidadaun hotu.
“Ita-nia joven sira ne'ebé kreatividade ba tuir kompetisaun externa iha Austrália ne'ebé mak manán prémiu ruma hatama iha ne'e, saida mak ninia objetivu par Timor orgullu nafatin ba nia kreatividade ba nia nasaun e imajen pozitivu ne'e ita tenke haklaken nafatin ne'e mak objetivu principal”, dehan Akara ba jornalista sira hafoin lansamentu portal www.goodnewsontl.gov.tl, iha Palásiu Governu, kuarta (27/04).
Ba kriasaun portal ne’e hahú kombate Hoax ne’ebé kontinua la’o, tanba presiza ba taka tutuir, maibé kontinua habelar tan informasaun pozitivu goodNews kona-ba Timor neneik ema la fiar ho lia falsu sira.
"Ema sei dehan la’e ba lia falsu, no sei dehan ne'eba Boa Notísia di’ak ami-nia fatin iha Maubissi iha fatin di’ak, entaun ita hakarak promove liu ida ne'e, hanesan termus ida di’ak tenke orgullu nafatin ninia nasaun sentimentu nasionalizmu, patriotizmu ne'e tenke iha nafatin, sela’e ita trata aat nasaun ladi’ak ne'e hotu ladi’ak neneik ita lakon ita-nia kebangaan ba ita-nia rai rasik”, hatete nia.
Tanba ne'e mensajen prinsipal no plataforma ida atu ajuda mós komunikasaun External la gasta osan ba vizita, maibé hato'o ba nasaun sira seluk liuhusi informasaun ne’ebé públika.
“Ita-boot sira bele uza lingua ha'at ita-boot sira-nia notísia di’ak ruma kreatividade di’ak ruma mensajen di’ak ruma ita sei kutip maibé sei husu lisensa ba ita-boot sira ezemplu hanesan Tatoli, RadioVoz ne'e ha’u sei husu ekipa, ida ne'eba promosaun di’ak husu lisensa tok radioVoz hakarak ita mai iha ne'e entaun no fim ita-nia objetivu ne'e atu promove imajen pozitivu nasaun nian ba mundu”, esplika nia.
Tanba informasaun sira ne’e la'ós ba Governu de’it, tanba ne'e informasaun pozitivu nasaun nian ne'ebé mais individu mais instituisaun sira Governu nian mídia sira sei konsidera hotu iha laran.
“Iha nasaun seluk iha, ita mak foin halo nasaun seluk hanesan iha Singapura ita la rona informasaun negativu kona-ba Singapura ita klick iha ne'e hotu pozitivu, maske iha internal ne'e karik sira problema, nasaun ne'e tenke defende ninia imajen nafatin, ne'ebé ba ita-boot sira hotu se mak iha vídeo ruma di’ak fotografia ruma di’ak tama iha ne'e traduz tia ba Inglés ba Portugéz ne'ebé ba ita hotu, fasilita husi Gabinete SEKOMS mais oferese ba sidadaun hotu”, afirma nia.
Portal ne’e ninia públikasaun iha lian-tetun, portugéz, Indonézia ho Inglés, teknikamente apoia husi TIC Timor, maibé responsabilidade jere husi Gabinete SEKOMS ne'ebé oferese ba sidadaun hotu. (*)
