Login to your account

Username *
Password *
Remember Me

Sarani Presiza Nakonu Hanesan Maromak Nia Espíritu

Prezidente Igreja Evangélica Assembleia de Deus (IEAD), Francisco dos Reis. Prezidente Igreja Evangélica Assembleia de Deus (IEAD), Francisco dos Reis. Foto Suplay

Tempotimor (Díli)-Prezidente Igreja Evangélica Assembleia de Deus (IEAD), Francisco dos Reis hatete, sarani sira presiza nakonu ho Maromak nia Espíritu.

"Imi mate tiha mós loron ida sei moris fila tanba Maromak nia Espíritu iha hela ita”, dehan Pastor Francisco liuhusi nia pregasaun iha Igreja Evangélica Assembleia de Deus Vilaverde, domingu (24/04).

Tanba iha Bíblia novu Testamentu (Roma 8:8-1), "Se o moris tuir o nia hakarak aat, o la bele halo haksolok Maromak nia laran. Maibé imi la’ós nune’e. Imi la moris tuir imi-nia hakarak aat, maibé moris tuir Maromak nia Espiritu, tanba Nia Espiritu hela iha imi-nia laran. Se mak laiha Kristu nia Espiritu, ema ne’e la’ós Kristu nian. Imi-nia isin lolon sei mate tanba imi nia sala. Maibé agora Kristu moris iha imi-nia laran, nune’e imi-nia klamar sei moris nafatin, tanba Maromak hamoos imi-nia sala hodi simu imi. Maromak mak halo Jesus Kristu moris fali husi mate. Agora Nia Espiritu hela iha imi. Nune’e aban-bainrua bainhira imi mate tiha ona, Maromak mós sei halo imi-nia isin lolon moris fali, liuhusi Nia Espiritu ne’ebé hela iha imi-nia laran”.

Hafoin tempu paskoa, ne'e tempu ida Maromak lees kurtina siknifika sobu impedimentu entre ema ho Maromak nune'e ema diretamente hasoru Maromak hodi hahi adora ba Maromak.

"Tanba ne’e, kuidadu didi’ak imi-nia moris. La bele moris hanesan ema beik, maibé tenke moris hanesan ema matenek. Ohin loron ema barak halo buat aat. Ne’e duni kuandu iha oportunidade saida de’it para halo di’ak ba ema, halo ona ba. Keta beik-teen, maibé haka’as-an atu kompriende saida mak ita-nia Nai hakarak (Éfezu 5:15-17)”, haktuir Pastor Francisco.

Tanba Maromak hadomi nia povu liliu Kristaun sira ne'ebé fiar metin ba Maromak no simu Jesus nu'udar Salvador.

Maske iha Mundu bele hasoru problema dezafiu no ita-nia vida espiritual ne'e tun, maibé Maromak nia espiritu kontinua motiva nune'e bele hasoru tentasaun sira ne'e.

"Bainhira Pekadu ruma hanehan ita, ita husu arepende lalais  hodi Jesus nia naran”, afirma nia.

Kristaun Presiza Nakonu Maromak nia Espíritu Santu tanba ema ne'ebé mak nakonu ho espiritu sei mate maibé loron ida sei moris filafali.

Igreja ne'e nu'udar Maromak nia isin lolon, tanba ne'e Kristaun kontinua Maromak nia hakarak no halo tuir Maromak nia Espíritu Santu. (*)

Rate this item
(0 votes)
Last modified on Sunday, 24 April 2022 13:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter