Login to your account

Username *
Password *
Remember Me

Igreja Husu Kandidatu Horta ho Lú Olo Simu Rezultadu Eleisaun

 Kandidatu Prezidente Repúblika (PR), José Ramos Horta kaer liman hela ho Kandidatu Fransisco Guterres ‘Lu Olo’. Kandidatu Prezidente Repúblika (PR), José Ramos Horta kaer liman hela ho Kandidatu Fransisco Guterres ‘Lu Olo’. Foto Suplay

Tempotimor (Dili)-Koordenadór Jerál ba Programa Edukasaun Sidadania, Padre (Pe.) Domingos Soares Maubere husu ba Kandidatu Prezidente Repúblika (PR), José Ramos Horta no Fransisco Guterres ‘Lu Olo’ ho fuan boot atu simu rezultadu eleisaun prezidensiál iha loron tersa (19/04).

“Iha festa demokrasia ne’e ema hotu sei partisipa ho haksolok, maibé kandidatu sira ne'e ida sei manán no lakon, tanba ne'e iha kompetisaun sira hanesan ne'e ita tenke fuan boot nafatin no prontu atu simu manán ka lakon, ida sei ne'e hatudu ita-nia fuan boot no espíritu ema ne'ebé mak moris iha sosiedade nia laran”, dehan Pe. Domingos Maubere iha salaun Episkopal Balide, Dili, segunda, (18/04).

Nune'e iha eleisaun prezidensiál segunda volta ne’e kandidatu ida sei manán no lakon tanba ne’e husu atu militante no apoiuante sira nomos kandidatu simu rezultadu ne’e ho fuan boot.

Tanba ne'e mak kandidatu ida ne'ebé lakon sei iha nafatin oportunidade atu kompete nafatin wainhira manán hodi hala’o kna’ar hanesan Xefe Estadu hodi serbi povu no rai ida ne’e.

Antes ne’e Kandidatu Prezidente Repúblika iha primeira Volta, Jenerál reformadu, Lere Anan Timur, husu apoiante sira atu vota ho konsiénsia iha eleisaun prezidensiál segundu volta.

“Ha’u apela ba apoiante sira, ha’u seidauk deside ha’u-nia pozisaun atu apoiu kandidatu na’in-rua iha eleisaun prezidensiál segundu volta, tanba ne’e husu apoiu apoiante atu vota ho konsiénsia”, dehan Lere.

Entretantu iha eleisaun prezidensiál ronde primeiru kandidatu Prezidente husi partidu FRETILIN, Fransisco Guterres ‘Lú Olo’ ho nia votu 144.282 ho nia persentajen 22,1%, no kandidatu Prezidente husi CNRT, José Ramos Horta ho nia votu 303.477 ho nia persentajen 46,6%. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter