Print this page

Governu Planu Lansa Plataforma Boa Notísia iha Timor-Leste

Sekretáriu Estadu Komunikasaun Sosiál (SEKOMS), Merício Juvinal dos Reis 'AKARA'. Sekretáriu Estadu Komunikasaun Sosiál (SEKOMS), Merício Juvinal dos Reis 'AKARA'. Foto Tempo Timor

Tempotimor (Díli)-Governu liuhusi Sekretária Estadu Komunikasaun Sosiál (SEKOMS) halo ona planu atu lansa plataforma online Boa Notísia Timor-Leste.

Sekretáriu Estadu Komunikasaun Sosiál (SEKOMS), Merício Juvinal dos Reis 'Akara' hatete, sira sei lansa plataforma kona-ba notísia di'ak Timor nian hodi foti imajen Timor nian iha mundu.

“Ha'u ohin dehan ita sei lansa plataforma ida kona-ba nia notísia kona-ba Timor nian, notísia di'ak kona-ba ita-nia rain, entaun ita-boot sira sei sente iha notísia balun mak di'ak ita bele orgullu katak notísia ne'e foti ita-nia rain, ita-nia imajen nasaun ninian bele hatama iha ne'ebá para ema rai li'ur bele akompaña, iha notísia ne'ebé atu lansa ida ne'e”, dehan Akara ba jornalista sira iha saalaun Sentru Nasionál Chega, Balide, tersa (12/04).

Nune'e hatudu ba nasaun seluk katak sidadaun iha Timor la'ós de'it uza mídia sosiál ba buat la di'ak de'it maibé iha mós buat ida hodi foti sa'e nasaun Timor nia imajen.

Maibé iha mós komunidade ka ema balun ne'ebé mak utiliza mídia sosiál hodi ataka malu ka defama malu, tanba ne'e SOKOMS sei kria dokumentu ida ba ema ne'ebé mak utiliza mídia hodi estraga ema seluk.

“Iha parte seluk poataforma ida ne'ebé iha oferese para se mak haree katak iha notísia falsu iha identidade (ID) falsu ita kontén tiha iha ne'ebá ita lokaliza tiha iha ne'ebá depois kuandu ema husu ita, notísia falsu mak ida ne'ebé ita fiar de'it link ne'e notísa falsu mak iha hotu link ne'ebá ne'e”, afirma nia.

Tanba ne'e mak jornalista sira tenke kontribui loos no kredível ba públiku sira, atu nune'e kontinua kombate hoax. (*)

Rate this item
(0 votes)
Last modified on Tuesday, 12 April 2022 18:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items