Login to your account

Username *
Password *
Remember Me

PNUD-CNE Hala’o Semináriu Paz iha Eleisaun ba Estudante UNDIL no UNTL

Estudante husi Universidade Dili (UNDIL) no Universidade Nasionál Timor Lorosa’e (UNTL)  tuir hela seminariu iha Salaun Suai Room Timor-Plaza, Komoro, segunda (11/04). Estudante husi Universidade Dili (UNDIL) no Universidade Nasionál Timor Lorosa’e (UNTL) tuir hela seminariu iha Salaun Suai Room Timor-Plaza, Komoro, segunda (11/04). Foto Tempo TImor

Tempotimor (Dili)-Programa Nasaun Unidas ba Dezenvolvimentu (PNUD) serviisu hamutuk ho Komisaun Nasional ba Eleisaun sira (CNE) hala’o Semináriu nasionál ida ho Tema "Joven Vota" atu fahe informasaun kona-ba paz iha eleisaun ba Estudante husi Universidade Dili (UNDIL) no Universidade Nasionál Timor Lorosa’e (UNTL).

“Objetivu ohin ne'e, atu hato'o informasaun kona-ba paz iha eleisaun ne'e no prosesu rejistu nian la'o di'ak no kartaun ita rekolla ne'e ho di'ak inklui iha partisipasaun iha kampaña ho kualidade hadutu komportamentu ho di'ak no fó biban ba eleitór sira atu fó sira-nia votu”, dehan Prezidente CNE, Jose Agostinho Belo, iha Salaun Suai Room Timor-Plaza, Komoro, segunda (11/04).

Ba situasaun ema ki’ik sira-nia ema boot sira tenke halo tuir situasaun ne'e diferensa iha tempu koloniál ne'ebé mak líder sira tur iha leten no ida ne'eb’e ki’ik nafatin ki’ik situasaun la favorável no presiza muda.

“Hanesan joven intelektual tenke prepara-an ba dezenvolvimentu no joven hanesan parte husi mudansa nian, joventude iha idealizmu no prespetiva ne'ebé boot atu halo mudansa ba futuru ne'ebé diferente”, afirma nia.

Jéstor Coveregilence election Project CORE-TL, Tito Filipe hatete, projetu ne'e husi Governu Japaun no implementa husi UNDP ne'ebé parseria husi CNE no STAE iha komponente ida kona-ba partisipasaun joven nian iha tempu eleisaun nian.

“Semináriu ne'e, ita realiza ba dalatolu ho intensaun atu enkoraja joven sira atu partisipa iha prosesu eleitorál tomak tanba siklu eleitorál akontese la'’os iha tempu eleisaun nian de'it maibé iha prosesu rejistrasaun eleitorál nian”, dehan nia.

Ba taxa partisipasaun iha tinan 2022, joven barak mak rejistadu ona tanba ne'e enkoraja joven sira liuhusi Universidade sira atu partisipa votasaun iha period ne’e, tanba eleitór foun hamutuk rihun-ruanulu-resin-hitu (27.000) mak sai alvu.

Reprezentante Estudante Husi Universidade Nasional Timor Lorosa'e (UNTL), Graila Arlete Josefina Baquita hatete, ativiiddade semoin’ariu hanesan espesiaál ba estudante hotu ne'ebé partisipa, tanba ne’e faze ida ba aestudnate aira atu aprende atu oinsá bele hili kandidatu ne'ebé mak bele ukun.

“Hanesan estudante ami kontente tanba ne'e faze daruak ba eleisaun nian nune'e ita bele hili se los mak sei ita-nia prezidente iha períodu 2022-2027 ba nasaun ida ne'e”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter