Print this page

Governu Kórea Enkoraja Traballadór Timoroan Servisu ho Disiplina

Embaixadór Korea SUl iha Timor-Leste, Kin Jong Hun. Embaixadór Korea SUl iha Timor-Leste, Kin Jong Hun. Foto Suplay

Tempotimor (Dili)-Governu Korea Sul liuhusi Embaixadór iha Timor-Leste, Kin Jong Hun, enkoraja traballadór Timoroan hotu ne'ebé ba nasaun Kórea Súl atu servisu ho disiplina.

“Iha tinan rua ikus Governu Kórea Súl suspende tiha atividade haruka traballadór timoroan ba servisu iha Korea maibé demanda iha Korea Súl sa’e maka'as tanba ne'e Korea hahú simu fali traballadór ho númeru ne'ebé boot husi nasaun hothotu inklui Timor-Leste”, dehan Embaixadór Kin Jong Hun, iha ótel Timor Lodge, Komoro, tersa (05/04).

Traballadór timoroan ne'ebé ba servisu iha nasaun Kórea Sùl simu saláriu hanesan laiha diskriminasaun no husu traballadór sira rai osan bainhira fila bele halo buat ruma iha Timor-Leste.

“Traballadór sira ne'ebé servisu iha Korea Súl, ema ida sei hetan $1.500 ka $2.000 kada fulan ho montante osan ne'ebé imi hetan hanesan ho joven sira husi Korea laiha diskriminasaun ba saláriu tanba ne'e, kuidadu no rai didi’ak. Karik imi rai osan pursentu 80 kada fulan husi imi-nia saláriu depois tinan haat fulan-ualu imi sei hetan dollar rihun-atusida-muda Rupiah 1 miliar. sé ida ne'e, imi halo ha’u fiar imi fila sei halo buat ruma ba família sira ne'ebé hela iha ne'e”, informa nia.

Kórea Súl no Timor-Leste moris hanesan tanba ne'e, husu ba traballadór sira servisu tenke hanoin família iha Timor no labele komete kazu ne'ebé halo família nia laran moras.

Traballadór reprezenta Timor no labele servisu ilegál, Tanba maibé tuir dadus nasaun sanulu-resin-neen ne'ebé servisu iha Korea haree ba Timor iha pozisaun segundu ninian traballadór barak halai servisu ilegál ne'e sei impaktu ba kuota ne'ebé Timor-Leste haruka ba.

Enkuantu kazu Covid-19 sa’e maka'as maibé lalika preukupa maibé tenke kuidadu saúde bainhira ba servisu iha ne'eba no labele konsumsu alku no droga tanba fasil deteta husi sistema.

Sekretáriu Estadu Formasaun Profésional Empregu (SEFOPE), Alarico do Rosário hatete, Governu Korea Súl simu timoroan kada tinan atusrua ka atustolu, maibé ho sira-nia tulun simu tan traballdór sira ho kuantidade ne'ebé boot iha fulan-janeiru to’o abril.

“Ita-boot sira mak sei halo determinaasaun ba maluk traballdór ne'ebé mak seidauk ba servisu iha ne'eba. Liuhusi ita-boot sira mak bele iha benefisiu no impaktu ba maluk sira seluk tanba ne'e ita-boot sira mak determina”, haktenik nia.

Enkuantu hahú iha fulan-janeiru to’o abril 2022 traballadór Timoroan sira hamutuk na'in-314 mak aranka ona ba servisu iha nasaun Korea Súl. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items