Dekano Filozofia iha ISFT, Padre João Guterres hatete, ba semináriu ne’e realiza atu fo hanoin baestudante sira hodi prepara-an selebra loronb semana santa.

“Estetika a beleza da vida ne'e katak moris ne'e furak, iha furak ne'e nia laran ema hala'o hanesan terus, moris no mate no atu hetan salvasaun tenke liuhusi Jesus nia mate. Nune'e ita realiza semináriu akademiku ne'e hodi fó hanoin no fanu estudante universitáriu sira alende ne'e husi siénsia nune'e mos moris hanesan sarani hodi bele prepara-an atu selebra loron semana Santa”, dehan Dekanu Filozofia ISFT, Padre João Guterres, iha Fatumeta, tersa (05/04).

Tanba estudante sira la’ós atu aprende de’it siénsia, maibé tenke hatene mós hala'o moris husi dalan kristu nian nune'e bele moris tuir sarani ne'ebé los iha sosidade nia laran.

Ba semináriu beleza da vida ne'e realiza la’ós partisipa de’it husi estudante Instituto Superior Filozofia no Teolojia (ISFT) maibé partisipa mós husi estudante Universidade Nasional Timor-Lorosa'e (UNTL) Universidade Dili (UNDIL) Instituto Teknolojia Dili (DIT) Universidade da Paz (UNPAZ) no seluk tan.

Estudante ISFT, Tito Peregrinho Soares Gomes hatete, semináriu Estetiku a Beleza de Vida ne'e importante tebes tanba maioria katóliku, entaun iha paskua ne'e tenke hetan netik bukae ida hodi prepara ba selebra mistériu boot Jesus resurisaun nian.

“Liuhus semináriu ne'e bele ajuda mai hola parte totál iha kristu nia resurisaun ne'e rasik, hanesan estudante nune'e mós joven, semináriu ne'e importante atubele hametin liután fiar hanesan sarani katóliku nain”, afirma nia. (*)