Ba livru matadalan ba rádiu komunidade sira hodi fasilita servisu rádiu komunidade nian, ne’ebé halo lansamentu iha loron sesta (01/04), iha Edifísiu Rádiu Komunidade ‘Tokodede’ Munisípiu, Likisá.

“Ha’u husu ba diresaun sira iha MAPKOMS-SEKOMS atu partilla rezultadu servisu ba malu nune’e fó susesu servisu interligadu MAPKOMS-nian nune’e mós husu ba jornalista rádiu komunidade sira bele hatene nia kna’ar nune’e mós jestór no prezidente konsellu sira atu orienta servisu tuir guiaun ne’ebé iha ona”, dehan Merício Akara iha iha Edifísiu Rádiu Komunidade ‘Tokodede’ Munisípiu, Likisá, sesta (01/04).

Tanba ne’e, lori Ministru MAPKOMS nia naran apresia esforsu Diresaun Nasionál Promosaun no Dezenvolvimentu Mídia Lokál ne’ebé hahú dezenvolve matadalan espesifiku ida ba rádiu komunidade sira atu uza iha tempu naruk, tanba ne’e SEKOMS hakarak lansa livru matadalan iha rádiu komunidade tokodede hanesan reprezenta rádiu komunidade sira.

Diretór Nasionál PDML, Jose da Costa hatete, esforsu ekipa DNPDML produz ona livru matadalan hodi orienta servisu RAKOM (Rádiu Komunidade) nian no husu ba utilizador sira la’o tuir giaun ka mata dalan ne’ebé iha hodi failita di’ak liután kna’ar sira iha futuru.

Iha ne’e, ekipa mós sei prepara hela giaun ba programa Naroman ba suku no mídia Munisípiu nian sei remata mós iha tempu besik.

Matadalan ba rádiu komunidade ne’e sei distribui ba rádiu komunidade sanolu-resin-hitu ne’ebé hetan apoiu husi SEKOMS.

Lansamentu ne'e partisipa husi, Xefe Gabinete MAPKOMS, Diretór CEFTEC, Diretór DNPDML, no Tékniku Espesializadu SEKOMS, no jornalista sira. (*)