Login to your account

Username *
Password *
Remember Me

Amazon Watchs Nomeia Espoza PR Sai Feto Inspiradora iha 2022

Espoza Prezidente Repúblika, Cidália Lopes Nobre Mouzinho Guterres simu hela Premiu iha Dubai, sesta (25/03). Espoza Prezidente Repúblika, Cidália Lopes Nobre Mouzinho Guterres simu hela Premiu iha Dubai, sesta (25/03). Foto Suplay

Tempotimor (Dili)-Amazon Watch Magazine’s Blue Ribbon Award & annual Global Women Leaders Hall of Fame (GWLHOF), nomeia Espoza Prezidente Repúblika, Cidália Lopes Nobre Mouzinho Guterres, hodi hetan prémiu ho kategória sai feto inspiradora iha tinan 2022, ho atividade ne’ebé durante ne’e hala’o iha Timor-Leste.

“Ha’u Agradese ba ita-boot sira-nia fiar hodi selesiona ha’u ba prémiu ida ne’e liuliu ba senhor Ken Giami, Komisaun Organizadora nomós Kandidatu sira seluk ne’ebé ha’u iha oportunidade koñese liuhusi partisipasaun ida ne’e”, dehan Espozaun PR, iha nini diskursu ba Amazon Watch Magazine’s Blue Ribbon Award & annual Global Women Leaders Hall of Fame (GWLHOF) iha selebrasaun tinan-9 South America-Africa-Middle-Asia Women Summit (SAMEAWS) iha Dubai, ne’ebé www.tempotimor.com asesu husi pájina ofiriál, sábadu, (26/03).

Espoza Prezidente Repúblika Cidália Lopes Nobre Mouzinho Guterres iha loron 25 fulan-marsu ne'e hafoin tuir tiha komferénsia Internasionál ne’ebé realiza iha Burj CEO Award Summit iha Dubai ne’ebé partisipa husi nasaun oioin hodi ko’alia kona-ba feto sai inspiradora ba feto hotu iha mundu.

Husi ne’e Cidália simu prémiu ho kategória Feto Inspiradora ne’ebé nomeia husi Amazon Watchs ba servisu no inspirasaun sira durante hala'o iha Timor-Leste.

“Premiu ne’e nu’udar rekoñesementu ba feto Timor nia servisu nomós responsabilidade boot mai ha’u atu aprezenta ba mundu kna’ar feto Timor halo hodi kontribui ba dezenvolvementu Timor-Leste ne’ebé hanesan no inkluzivu”, hatete nia.

Maibé haksolok tanba programa ne’ebé hala'o iha Timor-Leste, loron ruma bele inspira feto sira seluk hanesan temi bebeik iha Timor. 

Tanba hakarak kontinua hatutan no haforsa feto, labarik no ema sira ne’ebé laiha kbi’it atu hato’o sira-nia lian, nune’e sira bele sente katak sira pertense ka sai na’in ba prosesu dezenvolvementu nasaun foun ida Timor-Leste.

“Dame ne’e posivel, maske lori tempu naruk atu atinje, atu hetan dame persiza ema hotu nia komitmentu no responsabilidade, labele lakon esperansa, labele hakiduk tamba ha’u fiar “dame buat ida ne’ebé ami bele hetan” nune’e feto no ema iha fatin seluk bele hetan ida-idak nia fatin”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter