Login to your account

Username *
Password *
Remember Me

Horta Aproveita Kampaña Eleitorál Entrega Fasilidade ba EBF Railaku-Vila

Kandidatu Prezidente Repúblika (PR) Períodu 2022-2027, José Ramos Horta entrega hela komputadór no mákina imprime ba preferora sira iha Eskola Bázika Filiál (EBF) Rai Laku Vila, sesta (11/03). Kandidatu Prezidente Repúblika (PR) Períodu 2022-2027, José Ramos Horta entrega hela komputadór no mákina imprime ba preferora sira iha Eskola Bázika Filiál (EBF) Rai Laku Vila, sesta (11/03). Foto Tempo Timor

Tempotimor (Ermera)-Kandidatu Prezidente Repúblika (PR) períodu 2022-2027, José Ramos Horta, aproveita kampaña eleitorál iha Munisípiu Ermera hodi engtrega fasilidade ba Eskola Báziku Filiál (EBF) Railaku-Vila, Postu Administrativu Railaku, Munisípiu Ermera.

Tanba promesa ne'ebé mak halo iha loron tersa (08/02) promete hela atu fasilita komputadór no mákina imprime ba Eskola Báziku Filiál (EBF) Railaku.

Ba kompromisu ne'e, Kandidatu PR, José Ramos Horta, sábadu (11/03), lori komputadór no makina imprime ida hodi entrega direta Reprezentante Koordenadora Eskola Bázika Filiál (EBF) Rai Laku Vila, Jacinta Maia.

“Komputadór ho printer mak ne'e, tempu ne'ebé ha’u promote tiha ona, lori mai, para ema labele hatete oh ne'e hola parte iha kampaña, iha ne'e labarik oan sira la vota”, esplika horta hafoin entrega fasilidade ba Eskola Bázika Filiál (EBF) Rai Laku Vila, sesta (11/03).

Reprezentante Koordenadora Eskola Bázika Filiál (EBF) Rai Laku Vila, Jacinta Maia hatete, nia parte lori eskola EBF Railaku Vila nia naran, hato'o agradesimentu ba José Ramos Horta tanba konsege oferese sasán hirak ne'e ba EBF Railaku Vila atubele utiliza.

“En nome da eskola, ha’u hakarak agradese ba avó, tanba laran boot avó oferese ona komputadór ho printer mai ami, ho ida eskola kontente teb-tebes atu simu, e la haluha hato'o agradese ba laran luak ne'ebé mak avó oferese buat sira ne'e mai ami”, dehan nia.

Maibé husu mós atu fasilita mákina hamoos du'ut ba EBF Railaku atu bele uza ba halo limpeza iha eskola laran.

“Husi eskola presiza tebtebes mákina kua duut nian, tanba iha eskola ne'e ami-nia oan sira ki'ik oan de'it ne'ebé labele entaun ami presiza tebes mak mákina ko'a duut”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter