“Rezultadu peskiza bazeia ba Gráfika ho item perguntar ne'ebé koloka iha peskiza ne'e hatudu katak maioria ho pursentu 91.6 mak asesu eskola no iha de'it pursentu 8.3 mak nunka eskola”, dehan Rezultadu Narativa Peskiza, Assesmentu Nesesidade Joven ho Difisiénsia ne'ebé www.tempotimor.com asesu iha segunda (07/03).

Rezultadu peskiza ne’ebé hetan koñesimentu Diretór Ezekutivu Assosiasaun Difisiénsia Timor Leste, Sezario da Silva katak, iha eskola ne'e pursentu 25.16 hetan bolsu estudu sira, 61.%  sustenta husi nia família sira no 1.9 % Difisiénsia sira selu rasik nia eskola no 5.15% seluk tan.

Tanba atu hatene no sasukat nesesidade ba ema hi difisiénsia iha Timor-Leste mak iha peskiza ne'e hatudu indikadór sira-ne'e fundamental no sai sasukat ida oinsá bele sukat inkluzaun dezenvolvimentu sosiál liga ba ema ho difisiénsia nian iha Timor-Leste

Alende ne'e, haree husi nível estudu mós hatudu diferensa tuir análiza dadus gráfika ne'e hatudu katakz nível edukasaun maioria 21.3% mak remata de'it ensinu sekundária, no nível estudu primária no rekorente iha 20.6% no nível lisensiatura hatudu pursentu 8.4% no diploma no la remata sekundaria 10.3% no la eskola 5.16%. (*)