Diretór Ezekutivu Konsellu Imprensa, Rigoberto Monteiro hatete, projetu ne'e, Konsellu Imprensa ho UNDP inisia no asina akordu iha tinan 2021. Maibé la konsege realiza tanba sirkumstánsia pandemia Covid entaun estende tiha to'o fulan fevereiru 2022.

Ho dokumentus ne'e iha prosesu hakerek ba livru maibé peskizadór sira sei aprezenta rezultadu ne'ebé entrevista ne’ebé bolu validadsaun. Tanba halo etrevista ho ema ruma tenke konfirma filafali hodi refleta ba dokumentu sira ne'ebá ba futuru atu produz mak objetivu husi validasaun.

“Validasaun ne'e hotu, ami sei hakerek ba livru matadalan ba jornalista sira uza bainhira halo reportajen ba asustu violénsia bazeia ba Jenéru. Iha semana kotuk KI lansa ona matadalan preliminariu ba eleisaun prezidente ninian ne'ebé kontinua peskiza hodi hakerek dokumentu ne'ebé fiksu”, esplika Diretór Rigoberto Monteiro, iha Salaun Konferénsia KI, Kintal-Boot, kinta (24/02).

Dadaun ne'e, prosesu hakerek dokumentu finál siknifika sai ona guia ka matadalan nasionál ne'e mak objetivu husi diskusaun.

Project Manager Spotlight, Livio Soares hatete, Project Spotlight ne'e, programa ida ne'ebé implementa husi ajensia Oganizasaun Nasaun Unidas (ONU) ninian hanesan UNDP, UNICEF, UNFPA, ILO no UN Woman.

Programa ne’e, ho objetivu atu reduz problema ne'ebé afeta ba labarik no feto sira iha mundu inklui Timor. Tanba programa ne'e inisia husi ONU koopera ho Uniaun Europeia ne'ebé lidera direita husi Vise Sekretáriu Jerál, Muhamad Amina.

Ho ida ne’e, nasaun hothotu implemneta hanesan iha Sudeste Áfrika, Ázia no Timor inklui mós illa pásifiku sira hanesan Fizi.

Kooperasaun ho KI ne'e kontinuasaun husi kooperasaun ne'ebé halo ona iha tinan 2021, ne’ebé labele finaliza tanba enfrenta surtu Covid-19 no Estadu Emerjénsia mak atu finaliza tarde ba projetu matadalan jornalista no reporter sira.

Husi ne’e, oinsá jornalista sira foka mós ba programa atu reduz ka elimina violénsia kontra feto no labarik sira mak sai difikuldade ba instituisaun hotu inklui mídia sira-nia partisipasaun importante tebes hodi uza termos ne'ebé adekuadu. (*)